యుద్ధ ప్రాతిపదికన బెయిలీ వంతెన నిర్మించి, శనివారం మధ్యాహ్నం 2.30 గంటలకు ట్రయిల్ రన్ నిర్వహించారు. సాయంత్రం నుంచి వాహనాల రాకపోకలకు అనుమతిని ఇచ్చారు. ఇక ఈ వంతెన నిర్మాణంతో వివిధ ప్రాంతాల్లో చిక్కుకున్న ప్రజలకు ఊరట లభించింది. అయితే నేషనల్ హైవే అథారిటీ ఆఫ్ ఇండియా (ఎన్‌హెచ్ఏఐ) అభ్యర్థనతోనే బీఆర్వో ఈ వంతెనను నిర్మించింది. ‘జనవరి 14 ఉదయం 7.30 గంటలకు నిర్మాణ పనులు ప్రారంభించారు. లెఫ్టినెంట్ కల్నల్ వరుణ్ ఖేరే నేతృత్వంలోని 99 రోడ్ కన్‌స్ట్రక్షన్ కంపెనీ బృందం ఈ నిర్మాణంలో పాలుపంచుకుంది. ఆరుగురు అధికారులు, 10 మంది సూపర్‌వైజర్లు, 50 మంది వర్కర్లు మొత్తంగా 60 గంటల పాటు నిర్విరామంగా శ్రమించి ఎట్టకేలకు వంతెనను అనుకున్న సమయానికి అటుఇటుగా పూర్తిచేశారు’ అని బీఆర్వో తెలిపింది.