అమెరికాలో గత డిసెంబర్ నుంచే వ్యాక్సినేషన్ ప్రక్రియ ప్రారంభించారు. అయితే.. ఇది ఆశించిన రీతిలో ముందుకు సాగడం లేదు. ఓ వైపు టీకాల పంపిణీ కొనసాగుండగా.. మరోవైపు పాజిటివ్ కేసుల సంఖ్య, కొవిడ్ మరణాల సంఖ్య భారీగా పెరుగుతున్నాయి. ఇది అగ్రరాజ్యాన్ని కలవరానికి గురిచేస్తోంది. రానున్న రోజుల్లో అనుసరించాల్సిన వ్యూహాలు, జాగ్రత్తలపై ప్రభుత్వానికి సీడీసీ ఓ నివేదిక సమర్పించింది. ‘ప్రస్తుత వైరస్‌తో పోలిస్తే ఇది మరింత ప్రమాదకరం. సరైన చర్యలు చేపట్టకపోతే మార్చి వరకు మహమ్మరిగా మారవచ్చు. వ్యాక్సిన్ కవరేజ్‌ను భారీగా పెంచడం ద్వారా ప్రజలను కాపాడవచ్చు’ అని సీడీసీ సూచించింది. మరోవైపు.. భారత్‌లో యూకే కరోనా స్ట్రెయిన్ కు సంబంధించిన కేసులు 116కు చేరుకున్నాయి. శనివారం (జనవరి 16) మరో రెండు పాజిటివ్ కేసులు నమోదయ్యాయి. కావున ప్రజలందరూ తగిన ముందు జాగ్రత్త చర్యలు తీసుకోవాలి.