రెండు పార్టీలు సొంతంగా తమ అభ్యర్థులను ప్రకటించేందుకు సిద్ధం అవుతున్నాయి. కానీ పొత్తు వ్యవహారం ఉండడంతో ఏకాభిప్రాయానికి రావాలని చూస్తున్నాయి. ఇదిలా ఉంటే తాజాగా జనసేన పార్టీ నుంచి ఓ ప్రకటన వెలువడింది. పవన్ ఈనెల 21వ తేదీన తిరుపతిలో పర్యటించబోతున్నారని ప్రెస్ నోట్ విడుదల చేశారు. ఈ నెల 21 సాయంత్రం తిరుపతి నగరంలో పవన్ ఆధ్వర్యంలో జనసేన పార్టీ వ్యవహారాల కమిటీ సమావేశం కాబోతున్నట్లు, ఆయనతో పాటు జనసేన రాజకీయ వ్యవహారాల కమిటీ చైర్మన్ నాదెండ్ల మనోహర్ కూడా పాల్గొంటారని , ఈ సమావేశంలో తిరుపతి ఉప ఎన్నికలలో పోటీ చేసే అభ్యర్థి విషయం పైనా, నిర్ణయం తీసుకునే అవకాశం ఉన్నట్లు తెలుస్తోంది.

ఏదిఏమైనా గతంతో పోలిస్తే జనసేన దూకుడు మరింత పెంచే విధంగా ప్రస్తుత పరిస్థితుల్లో వ్యవహరిస్తోంది. పవన్ సైతం బీజేపీ తమతో కలిసినా, కలవకపోయినా తమ రూట్ కి ఏ ఇబ్బందీ లేకుండా చేసుకునేందుకు మాత్రం తగిన ప్రణాళిక వేసుకునే పనిలో ఉన్నారు.