అయితే పెద్ద ఎత్తున విమర్శలు రావడంతో మూడు రాజధానులు ప్రతిపాదన తీసుకువచ్చారు. అలా చేస్తే తాము ఇచ్చిన భూమికి విలువ లేకుండా పోతుందని అమరావతి రైతులు చాలా రోజుల నుంచి ఆందోళనలు చేస్తున్నారు. అయితే ఈ ఆందోళనలను ఏపీ ప్రభుత్వం కానీ కేంద్ర ప్రభుత్వం గాని పట్టించుకున్న దాఖలాలు లేవు. ఒకవేళ రైతులకు మద్దతు తెలిపితే ప్రభుత్వానికి వ్యతిరేకంగా వెళ్లినట్టు అవుతుంది కాబట్టి టాలీవుడ్ హీరోలు ఎవరూ ఈ విషయం మీద స్పందించడం లేదు. 

అలాంటిది ఒక తమిళ హీరో తన సినిమాలో అమరావతి రైతుల గురించి గొప్పగా ఒక సీన్ లో మాట్లాడడంతో ఆయన మీద ప్రశంసల వర్షం కురిపిస్తున్నారు అమరావతి ప్రాంత రైతులు. వివరాల్లోకి వెళితే తమిళ హీరో జయం రవి హీరోగా నటించిన భూమి అనే సినిమా నిన్న సంక్రాంతి సందర్భంగా డిస్నీ హాట్ స్టార్ యాప్ లో రిలీజ్ అయింది. ఆర్గానిక్ వ్యవసాయం ఆధారంగా తెరకెక్కిన ఈ సినిమాలో అమరావతి రైతుల ఆందోళన గురించి ప్రస్తావించారు.  దీంతో మన తెలుగు సినిమా హీరోలు దేనికీ పనికి రారు అంటూ ఈయన్ని చూసి బుద్ధి తెచ్చుకోవాలని అమరావతి రైతులు, వారి మద్దతుదారులు సోషల్ మీడియాలో పోస్టులు పెడుతున్నారు.