చోరీ జరగడంతో అవాక్కైన కమాండెంట్ ఎస్పీకి ఫోన్‌ చేశారు. వెంటనే డీఎస్పీ దుర్గాప్రసాద్‌, సీఐ శేషగిరిరావు, క్లూస్‌టీం అలర్ట్ అయ్యింది. పోలీసులు ఘటనా స్థలంలో పరిశీలించి శ్రీనివాసరావును ప్రశ్నించగా వారిని తప్పుదోవ పట్టించేందుకు ప్రయత్నించాడు. నగల సంచితోపాటు ఇతర సంచులు తెరిచి ఉన్నాయని.. కిటికీ గ్రిల్స్‌ను వంచేశారని, అక్కడక్కడా సిగరెట్‌ ముక్కలున్నట్లు చూపించి దొంగలపనిగా నమ్మించాలని చూశాడు. కానీ ఇంటి తాళం ఒకటి శ్రీనివాసరావు వద్ద ఉన్నట్లు పోలీసులకు తెలియడంతో.. అతడ్ని ప్రశ్నించారు. తనపై అనుమానపడుతున్నారా.. తన ఫోన్‌ లొకేషన్‌ టవర్‌ నుంచి పరిశీలించుకోండి అని చెప్పాడు. అనుమానంతో పోలీసులు గట్టిగా ప్రశ్నించడంతో తానే దొంగతనం చేశానని ఒప్పుకున్నాడు. తనకున్న రూ.10 లక్షల అప్పులు తీర్చి.. భార్యాపిల్లలకు బంగారు ఆభరణాలు చేయించాలని అనుకుంటున్నానని చెప్పడంతో అంతా అవాక్కయ్యారు.