కాస్త ఆశ్చర్యకరంగా ఉన్నా ఇది నిజమే. వాళ్ళు ఎవరెవరు అంటే సముద్రఖని, మచ్చ రవి (బీవీఎస్), కత్తి మహేష్, వివేక్, అలానే దేవీప్రసాద్. ముందుగా సముద్రఖని విషయానికి వస్తే ఈయన ఒక తమిళ పాపులర్ డైరెక్టర్. కొన్నాళ్ల క్రితం నటుడిగా మారిన ఈయనకు తెలుగు సినిమా ఇండస్ట్రీలో వరుస అవకాశాలు వస్తున్నాయి. ఈ సినిమాలో ఆయన విలన్ పాత్ర పోషించాడు. ఇక మచ్చ రవి విషయానికి వస్తే తెలుగులో వాంటెడ్ అలాగే జవాన్ అనే సినిమాలు చేసిన ఈయన చాలా సినిమాలకు కథ అందించాడు.

 కొన్ని చిన్న చిన్న సినిమాల్లో నటించాడు కూడా. ఈయన కూడా క్రాక్ సినిమాలో జోగి బ్రదర్స్ ని గుర్తుకు తెచ్చే లాంటి పాత్రలో నటించాడు. ఇక పెసరట్టు ,ఎగిసే తారాజువ్వలు లాంటి సినిమాలను తెరకెక్కించిన సినీ విమర్శకుడు, దర్శకుడు కత్తి మహేష్ కూడా ఈ సినిమాలో ఒక కుల సంఘం నాయకుడుగా నటించాడు. ఇక బ్లేడ్ బాబ్జీ లాంటి అనేక హిట్ సినిమాలను అందించిన దర్శకుడు దేవీప్రసాద్ కూడా ఈ మధ్య క్యారెక్టర్ ఆర్టిస్ట్ గా మారిపోయాడు. ఈ సినిమాలో కూడా ఆయన పోలీస్ పాత్ర లో నటించాడు. ఇక బెజవాడ ఇలాంటి వివాదాస్పద సినిమాని తెరకెక్కించిన మరో దర్శకుడు వివేక్  కూడా ఒక రౌడీ పోలీస్ పాత్రలో నటించాడు. అలా మొత్తం ఐదుగురు దర్శకులు ఈ సినిమాలో నటించారు.