అయితే ఈ సినిమా ప్రమోషన్స్ లో భాగంగా రామ్ మీడియాతో ఎక్కువ ఇంటరాక్ట్ అవుతున్నాడు. ఈ సందర్భంగా ఆయన తన బాలీవుడ్ ఎంట్రీకి సంబంధించి కొన్ని కీలక వ్యాఖ్యలు చేసినట్లు సమాచారం. తన బాలీవుడ్ బ్యూటీ సంబంధించి ఆయన మీడియాతో కొన్ని విషయాలు పంచుకున్నాడు. తనకు బాలీవుడ్ నుంచి మంచి మంచి ఆఫర్లు వస్తున్నాయని పేర్కొన్న రామ్ రెడీ రీమేక్ అక్కడ సూపర్ హిట్ కావడంతో ఆ సినిమా వల్లనే తనకు మంచి మంచి ఆఫర్లు వస్తున్నాయని చెప్పుకొచ్చారు. 

తాను ఇటీవల జాన్ అబ్రహంతో కలిసి ఒక యాడ్ ఫిలిం షూటింగ్ కోసం ముంబై వెళ్ళగా అప్పుడు కూడా చాలామంది హిందీలో డబ్ అయిన తెలుగు సినిమాల గురించి ప్రస్తావించారని చెప్పుకొచ్చాడు. అయితే బాలీవుడ్ లో తన మార్కెట్ పెరగడం మంచిదేనని చెప్పుకొచ్చిన రామ్ తనకు మాత్రం డైరెక్ట్ గా బాలీవుడ్ సినిమాలు చేయడం ఇష్టం లేదని తేల్చేశాడు. ఎంత మంచి ఆఫర్ వచ్చినా బాలీవుడ్ కి వెళ్లనని ఆయన చెప్పుకొచ్చారు. దీంతో రామ్ బాలీవుడ్ ఎంట్రీ ప్రచారం అంతా ఒట్టిదే అని తేలిపోయింది.