ముంబై: బాలీవుడ్ క్రైం థ్రిల్లర్ సినిమాకు ఏమాత్రం తీసిపోని స్టోరీ. సోదరుడి హత్యకు ప్రతీకారం తీర్చుకునేందుకు మృతుడి సోదరి పన్నిన హనీట్రాప్. ఈ కుట్రను ముంబై పోలీసులు బట్టబయలు చేశారు. సోదరుడిని చంపిన హంతకుడిని హత్య చేసేందుకు సాక్షాత్తూ మృతుడి సోదరి అతడిపై హనీట్రాప్ వల విసిరింది. ఈ ఉదంతం మహారాష్ట్రలోని ముంబై నగరంలో కనిపించింది. మహారాష్ట్ర రాజధాని ముంబై నగరంలో సంచలనం రేపింది. 

2020 జూన్ నెలలో ముంబైలోని మలాద్ ప్రాంతంలో వాహనాల పార్కింగ్ విషయంలో 2 గ్రూపుల మధ్య గొడవ జరిగింది. ఈ గొడవలో నిందితుడు మహ్మద్ సాధిక్ 24 ఏళ్ల వయసుగల అల్తాఫ్ ను హత్య చేశాడు. హత్య చేశాక హంతకుడు సాధిక్ బాడీతో సహా  ఢిల్లీకి పారిపోయాడు. సోదరుడు అల్తాఫ్ హత్య సంఘటనతో తని సోదరి యాస్మీన్ ప్రతీకారం తీర్చుకోవాలని నోర్ణయించుకుంది. అల్తాఫ్ స్నేహితులు ఫరూక్, ఒవైస్, మనీస్, జాకీర్ ఖాన్, సత్యంపాండే ల సహాయంతో హంతకుడు సాధిక్ ను చంపాలని పక్కా ప్లాన్ రెడీ చేసింది.

అల్తాఫ్ హత్య జరిగి సరిగ్గా నెల రోజులు గఫైచిపోయింది. వారు మొదట సాధిక్ ను ఢిల్లీ నుంచి ముంబైకు రప్పించేందుకు హనీట్రాప్ పన్నారు. అప్పటికే నకిలీ ఇన్‌స్టాగ్రామ్ ఖాతాతో సాధిక్ ను బుట్టలో వేసింది యాస్మిన్. దీంతో సాధిక్ ప్రేమలో పడ్డాడు. ఢిల్లీలో ఉన్న సాధిక్ యాస్మిన్ ను కలవడానికి ముంబై వచ్చాడు. యాస్మిన్ అతన్ని ఆరేలోని చోటా క్మీర్ ప్రాంతానికి రావాలని చెప్పింది. సాధిక్ అక్కడకు చేరుకునేసరికి యస్మిన్ లేదు. యాస్మిన్ కు బదులుగా అల్తాఫ్ ఐదుగురు స్నేహితులు అక్కడున్నారు. వారంతా ఓ అంబులెన్సులో ఎదురు చూస్తన్నారు. సాదిక్ రాగానే అతడ్ని కిడ్నాప్ చేసేశారు.

ఆ తర్వాత వసాయినైగావ్ లోని అటవీ ప్రాంతానికి తీసుకువెళ్లి అతన్ని చంపి మృతదేహాన్ని పారేయాలని ఓ అంచనాకొచ్చారు. అయితే ఇంత వరకు బాగానే ఉన్నా.. సాధిక్ ను బలవంతంగా అంబులెన్సులో ఎక్కిస్తున్న సమయంలో ఓ వ్యక్తి వారిని గమనించారు. వెంటనే పోలీసులకు సమాచారమిచ్చాడు. వెంటనే అప్రమత్తమైన డీసీ.. ముంబై రోడ్డుపై ఆ అంబులెన్స్ ను ట్రాక్ చేశారు. అంతలో అంబులెన్సులో పెట్రోలు అయిపోవడంతో వారు మరో కారును అద్దెకు తీసుకున్నారు. 

ఈ కారులో జాతీయ రహదారిపై దహిసర్ చెక్ పాయింట్ గుండా వెళుతుండగా పోలీసులు కాపు కాసి నిందితులను పట్టుకున్నారు. యాస్మిన్ తో సహా అందరినీ అరెస్టు చేసి సాధిక్ ను రక్షించారు. అయితే సాధిక్ ను మునుపటి అల్తాఫ్ హత్య కేసులో అరెస్టు చేరినట్లు పోలీసులు తెలిపారు. ఈ క్రమంలోనే యస్మిన్ మొత్తం ప్లాన్ విని పోలీసులు కూడా షాక్ అయ్యారు.