అయితే కాంగ్రెస్ తరపున జానా రెడ్డి ఈ స్థానం నుంచి పోటీ చేస్తారనే ప్రచారం ముందు నుంచి జరుగుతోంది. కొద్దిరోజుల పాటు ఆయన కుమారుడు పోటీ చేస్తారని కూడా ప్రచారం జరిగినా జానారెడ్డి తానే పోటీ చేస్తానని క్లారిటీ ఇచ్చారు. అయితే బీజేపీ నేత వివేక్ వెంకట స్వామి సంచలన కామెంట్స్ చేశారు. సంగారెడ్డి జిల్లా జహిరాబాద్ లో బిజేపి నేత ,మాజి ఎంపి వివేక్ వెంకటస్వామి పర్యటిస్తున్నారు. దుబ్బాకలో, జీహెచ్ఎంసీ లో బిజేపి విజయం తరువాత  రాష్ట్ర వ్యాప్తంగా బిజేపి హావా పెరిగిందని ఆయన అన్నారు. 

నాగార్జున సాగర్ లో కూడా బిజేపి గెలవబోతుందని ఆయన అన్నారు. వరుస ఓటముల తరువాత కెసిఆర్ కి తెలిసొచ్చింది అందుకే పథకాలు, సమీక్షలు జరుపుతున్నాడని అన్నారు. నాగార్జునసాగర్ లో జానారెడ్డి ని టిఆర్ఎస్ నిలబెడుతుందనే ప్రచారం నడుస్తుందని ఆయన సంచలన వ్యాఖ్యలు చేశారు. కరోనా టైమ్ లో ఆయుష్మాన్ బారతి పథకం ఉండుంటే ఎంతో మంది పేదవారికి ఉపయోగపడేదని ఆయన అన్నారు. కేసిఆర్, అనుచరులు ఇంత కాలం దోచుకున్న డబ్బుని రాష్ట్ర ఖజానా కు తిరిగి ఇచ్చేయాలని ఆయన డిమాండ్ చేశారు.