కేవలం ఒకే ఒక్క స్థానంతో సరిపెట్టుకోవాల్సి వచ్చింది. అయితే పవన్ మాత్రం ఎక్కడా నిరాశ చెందకుండా రాజకీయంగా పైచేయి సాధించేందుకు ప్రయత్నిస్తున్నారు. 2019 తన ఆశ తీర్చక పోయినా, 2022 లో జమిలి ఎన్నికలు వస్తే తన ఆశ నెరవేరుతుంది అనే అభిప్రాయంలో ఉన్నారు. అది సాధ్యం కాకపోతే 2024 కి అయినా, తనకు అధికారం దక్కుతుందని అంచనా వేస్తున్నారు. ప్రస్తుతం పవన్ పెడుతున్న మీటింగులకు పెద్ద ఎత్తున యువత హాజరవుతున్నారు. వారిలో ఓటుహక్కు ఉన్నవారు చాలా తక్కువ మందే. వారే రాబోయే రోజుల్లో తమ పార్టీకి ఓటు వేసే కీలకమైన వ్యక్తి అని పవన్ గుర్తించారు.

 వారి అండదండలతో అధికారంలోకి సులభంగా రావొచ్చనే ధీమాగా ఉన్నారు. మెజారిటీ ప్రజలకు  పవన్ పై ఉన్న అభిప్రాయం ఏమిటనేది తెలియదు. కేవలం అభిమానుల అండదండలు,  ఒక సామాజిక వర్గం లోని కొంత మంది ఓటర్లను నమ్ముకుని రాజకీయం చేస్తే అది వర్కవుట్ అయ్యే ఛాన్స్ చాలా తక్కువ. గతంలో ఈ తరహా అనుభవం కూడా ఉంది. ప్రజారాజ్యం అనుభవం  నుంచి పవన్ నేర్చుకోవాల్సిందే. కానీ పవన్ మాత్రం తన అభిమానుల మీదే ఆశలు పెట్టుకున్నాడు వారే తన ఆశయాన్ని  తీర్చగలరు అని నమ్ముతున్నారు. వారే లక్ష్యంగా అడుగులు ముందుకు వేస్తున్నారు.