పోలీసుల స్పీడ్ చూస్తున్న అఖిలప్రియ వర్గీయులు తెలంగాణ పోలీసులకు అఖిలప్రియ కేసు తప్ప మరో కేసు లేదా అని ప్రశ్నిస్తున్నారు. అంతేకాక అఖిలప్రియ కేసు దర్యాప్తు వెనుక మాస్టర్ ప్లాన్ ఉంది అనే వాదన కూడా వారు వినిపిస్తున్నారు. అసలు ఈ కేసులో ఎక్కడ మర్డర్  లు లాంటివి జరగలేదు. అయినా పోలీసులు హైరానా చూస్తుంటే ఏదో అనుమానం కలుగుతోంది అనే వాదన వినిపిస్తున్నారు అఖిల ప్రియ వర్గీయులు. ఇలాంటి వివాదాస్పద భూములకు సంబంధించి రోజూ వందలాది కేసులు తెలంగాణ పోలీస్ స్టేషన్లలో నమోదు అవుతూ ఉంటాయి. 

అయినా ఎప్పుడూ పట్టించుకున్న పాపాన పోనీ తెలంగాణ పోలీసులు అఖిలప్రియ వ్యవహారంలో మాత్రం స్పీడ్ గా వ్యవహరిస్తున్నారనే వాదన వినిపిస్తోంది. ఒక్క హైదరాబాదు చుట్టుపక్కల ప్రాంతాల్లోని 8289.62 ఎకరాల భూములు వివాదాల్లో మగ్గుతున్నాయి. వీటి విలువ దాదాపు 35 వేల కోట్ల పై మాటే అని చెబుతున్నారు. ఈ వివాదాస్పద భూములకు సంబంధించి ఇప్పటి దాకా కోర్టులో 789 కేసులు నడుస్తున్నాయి. ఒక్క హైదరాబాద్ జిల్లాలోని 831.62 ఎకరాలకు సంబంధించి వివాదాలు భూములు ఉన్నాయి. 

అయితే ఈ వివాదాస్పద భూములన్నీ రాజకీయ పెద్దలు కి సంబంధించినవి కావడం గమనార్హం. అయితే ప్రభుత్వం ప్రవేశపెట్టిన ధరణి పోర్టల్ ప్రకారం ఇప్పుడు వివాదానికి కారణమైన హఫీజ్ పేట భూములన్నీ ప్రభుత్వానివేనట. కానీ ఇప్పటికీ అఖిలప్రియకు సంబంధించిన వారు ఆ భూములు తమవే అని చెప్పుకుంటుంటే ప్రవీణ్ కుటుంబానికి సంబంధించిన వారు ఆ భూములు తమవే అని చెప్పుకోవడం చర్చనీయాంశంగా మారుతోంది. ఈ భూములకు సంబంధించి కెసిఆర్ బంధువులు ఉన్న కారణంగానే పోలీసులు అఖిలప్రియ ను కార్నర్ చేసే ప్రయత్నం చేస్తున్నారనేది అఖిలప్రియ వర్గీయులు వాదన,