കൊൽക്കത്ത : ബിജെപിയുടെ സമ്മേളന പരിപാടിയ്ക്കിടയിലേക്ക് കാറോടിച്ച് കയറ്റി തൃണമൂൽ കോൺഗ്രസ് പ്രവർത്തകർ. അടുത്തിടെ ബിജെപിയിൽ ചേർന്ന തൃണമൂൽ മുതിർന്ന നേതാവ് സുവേന്ദു അധികാരിയുടെ നേതൃത്വത്തിലായിരുന്നു സമ്മേളനം സംഘടിപ്പിച്ചത്. സമ്മേളന പ്രസംഗത്തിനിടെ തൃണമൂൽ കോൺഗ്രസിന്റെ പതാക ഘടിപ്പിച്ച കാർ പ്രവർത്തകർക്കിടയിലേക്ക് ഓടിച്ച് കയറ്റുകയായിരുന്നു.
ശബ്ദം കേട്ട് പ്രവർത്തകർ ഓടി മാറിയതിനാൽ വൻ ദുരന്തം ഒഴിവായി.വേദിയിലേക്ക് ഇടിച്ച് കയറിയ കാർ പ്രവർത്തകർ തടഞ്ഞുവെച്ചു. പിന്നീട് സുവേന്ദു അധികാരിയുടെ അഭ്യർത്ഥനയെ തുടർന്ന് പ്രവർത്തകർ കാർ വിട്ടയക്കുകയായിരുന്നു.
Post Your Comments