శ్రీ‌పాద్ నాయక్‌, త‌న భార్య పిల్ల‌ల‌తో క‌లిసి యెల్లాపూర్‌లోని గంటే గ‌ణ‌ప‌తి దేవాల‌యాన్ని ద‌ర్శించుకుని ప్ర‌త్యేక పూజ‌లు చేశారు. తిరిగి గోక‌ర్ణ‌కు రాత్రి ఏడు గంట‌ల‌కు బ‌య‌లుదేరారు. మార్గ‌మ‌ధ్యలో ఎన్‌హెచ్‌-63 నుంచి స‌బ్ రోడ్డు.. గోక‌ర్ణ‌కు అడ్డ‌దారికి వారు ప్ర‌యాణిస్తున్న ఎస్‌యూవీ కారును మ‌ళ్లించారు. ఈరోడ్డు ప‌రిస్థితి చాలా దారుణంగా ఉంటుంది. దీంతో కారు అదుపు త‌ప్పి బోల్తా ప‌డింది. అంకోలా పోలీసులు కేసు న‌మోదు చేశారు. తీవ్రంగా గాయ‌ప‌డిన‌ కేంద్ర మంత్రి శ్రీపాద్ నాయ‌క్‌కు ప్రాథ‌మిక చికిత్స త‌ర్వాత మెరుగైన వైద్య సేవ‌ల కోసం గోవాకు త‌ర‌లించారు. ఆయ‌న ఆరోగ్య ప‌రిస్థితి నిల‌క‌డ‌గానే ఉంద‌ని తెలుస్తున్న‌ది.

                    కేంద్ర మంత్రి శ్రీపాద్ నాయ‌క్‌కు జరిగిన రోడ్డు ప్రమాదంపై ప్ర‌ధాని న‌రేంద్ర‌మోదీ దిగ్భ్రాంతి వ్యక్తం చేశారు. గోవా సీఎం ప్ర‌మోద్ సావంత్‌తో మోదీ ఫోన్లో మాట్లాడారు. నాయ‌క్ చికిత్స కోసం త‌గు ఏర్పాట్లు చేయాల‌ని ఆదేశించారు. ర‌క్ష‌ణ మంత్రి రాజ్‌నాథ్ సింగ్ కూడా ప్ర‌మాదం ప‌ట్ల విచారం వ్య‌క్తం చేశారు. శ్రీ‌పాద్ నాయ‌క్ త్వ‌రిత‌గ‌తిన కోలుకోవాల‌ని ఆకాంక్షించారు. అవ‌స‌ర‌మైతే శ్రీ‌పాద్ నాయ‌క్‌ను త‌రలించ‌డానికి ప్ర‌త్యేక ఎయిర్ అంబులెన్స్ ను అందుబాటులోకి తెస్తామ‌ని చెప్పారు.