ఇక నామినేటెడ్ పోస్టులను భర్తీ చేసి వారికి తగిన ప్రాధాన్యం ఇచ్చినా, మంత్రులు కాలేకపోయాము అనే బాధ చాలా మందిలో ఉంది. ఇక ఇప్పుడు చూసుకుంటే చాలా మంది జగన్ వర్గంగా చెప్పుకుంటున్న ఎమ్మెల్యేల నియోజకవర్గాల్లో కొంతమంది మంత్రులు , ఇతర నాయకుల జోక్యం పెరిగిపోవడం, తరచుగా తమ నియోజకవర్గాల్లో వేలుపెట్టి తమకు రాజకీయంగా ఇబ్బందులు తెచ్చి పెట్టడం ఇలా ఎన్నో రకాల కారణాలతో సతమతమవుతున్నారు.

 తమ బాధ అనేక మార్లు జగన్ కు సైతం చెప్పుకున్నా ఫలితం కనిపించకపోవడంతో చాలామంది నాయకులు నిరాశ నిస్పృహల్లో మునిగితేలుతున్నారు. కేవలం జగన్ వర్గంగా ముద్ర పడడం తోనే తమకు మంత్రి పదవులు దక్కలేదని బాధ చాలా మంది నాయకుల్లో కనిపిస్తోంది.