అయితే కిడ్నాప్ కేసులో అఖిల ప్రియ స్ట్రాంగ్ గా దొరికినట్టు పోలీసుల నుండి అందుతున్న సమాచారం. కిడ్నాప్ కేసులో సీసీ కెమెరాల్లో అఖిల‌ప్రియ అనుచరులు చిక్కినట్టు చెబుతున్నారు. కిడ్నాప్ స్కెచ్, ప్లాన్, రెక్కీ, అమలు అంతా భార్యాభర్తలదేనని పోలీసుల బలంగా వాదిస్తున్నారు. ఆమేరకు తమ వద్ద సాక్ష్యాధారాలు కూడా ఉన్నాయని అంటున్నారు. ఇప్పటికే అఖిలప్రియ బయటకొస్తే సాక్షులను బెదిరించవచ్చని పోలీసుల కౌంటర్ పిటిషన్ దాఖలు చేశారు. 

అయితే ఈ ప్లాన్ అమలు చేసింది మాత్రం గుంటూరు జిల్లాకు చెందిన శ్రీను అనే టీడీపీ కార్యకర్త అని అంటున్నారు. ఈయన భూమా నాగిరెడ్డి మరణం తరువాత నుండి భూమా కుటుంబం వద్దనే ఉంటున్నాడని పోలీసులు చెబుతున్నారు. భూమ అఖిలప్రియ కుటుంబానికి అన్నీ తానై శ్రీను నడిపిస్తున్నట్టు చెబుతున్నారు. నంద్యాల ఉపఎన్నికలో గుంటూరు శ్రీనే కీలకంగా వ్యవహరించినట్టు చెబుతున్నారు. శ్రీను లగ్జరీ జీవితం చూస్తే కళ్లు బయర్లు కమ్ముతాయని సరదాలకు హెలికాప్టర్లు, విలాసవంతమైన జీవితం గడిపాడు అని అంటున్నారు. కిడ్నాప్ ఎలా చేయాలి, ఎలా వెళ్లాలి అన్న స్కేచ్ గీసింది శ్రీను అని చెబుతున్నారు. సినీపక్కీలో కిడ్నాప్‌కు ప్లాన్ చేసిన శ్రీను ముఠా సభ్యులు, శ్రీనగర్ కాలనీలో ఐటీ అధికారుల డ్రెస్‌లను అద్దెకు తీసుకున్నట్టు కూడా గుర్తించారు.