കണ്ണൂർ: 11കാരിയായ പെൺകുട്ടിയെ പീഡിപ്പിച്ച സംഭവത്തിൽ മലപ്പുറം സ്വദേശിയായ യുവാവിനെ ധർമ്മടം പോലീസ് അറസ്റ്റ് ചെയ്തിരിക്കുന്നു. മലപ്പുറം കൊണ്ടോട്ടി കൊളത്തൂർ സ്വദേശി കക്കട്ടി ചാലിൽ ഹൗസിൽ റിംജാസ് (27) ആണ് ധർമ്മടം സിഐ ശ്രീജിത്ത് കോടരിയുടെ നിർദേശപ്രകാരം എസ്‌ഐ മഹേഷ് കണ്ടമ്പത്തിന്റെ നേതൃത്വത്തിലുള്ള സംഘം പോക്സോ ചുമത്തി അറസ്റ്റ് ചെയ്തിരിക്കുന്നത്. പീഡനത്തിനിരയായ കുട്ടിയുടെ മാതാവിൻ്റെ രണ്ടാം ഭർത്താവാണ് പ്രതി 2020 മാർച്ചിലാണ് കേസിനാസ്പദമായ സംഭവം ഉണ്ടായത്. ടൈൽസ് പണിക്കാരനായ ഇയാൾക്കൊപ്പം മാതാവിൻ്റെ കൂടെ താമസിക്കുന്നതിനിടയിലാണ് പീഡനത്തിനിരയായത് എന്ന് ചൈൽഡ് ലൈനിന് ലഭിച്ച പരാതിയിൽ തുടരന്വേഷണം നടത്തിയാണ് പ്രതിയെ പോലീസ് അറസ്റ്റ് ചെയ്തത്.
Post Your Comments