జగన్ ఓటు బ్యాంక్ కి చిల్లుపడిందని, మైనారిటీలు.. వెనుకబడిన వర్గాలు పార్టీకి దూరమయ్యారని వ్యాఖ్యానించారు. తిరుపతి ఎన్నికలను దృష్టిలో ఉంచుకుని విగ్రహాలపై దాడులు జరుగుతున్నాయని ఆయన ఆరోపించారు. దోషులను పట్టుకోవడమేనది కేంద్ర రాష్ట్ర ప్రభుత్వాల ఉద్దేశంగా కనిపించడం లేదన్న ఆయన మత సంబంధిత విద్వేషాలు రెచ్చగొట్టేందుకేనని అన్నారు. ప్రభుత్వాలు తలచుకుంటే దోషులను పట్టుకోవడం ఎంత సేపు అని ఆయన ప్రశ్నించారు. 

సుప్రీం కోర్ట్ లేదా హై కోర్ట్ సిట్టింగ్ జడ్జ్ ఆధ్వర్యంలో విచారణ జరిపించాలని ఆయన డిమాండ్ చేశారు. ఎస్సీ సబ్ ప్లాన్ అమలు చేస్తామని  చేయలేదని, ఇప్బటి వరకు సబ్ ప్లాన్ నిధుల పై శ్వేత పత్రం విడుదల చేయాలని ఆయన డిమాండ్ చేశారు. ఎస్సీ విద్యార్ధులకు ఇచ్చే స్కాలర్ షిప్పు ఎందుకు నిలిపివేశారు ? ఎస్సీలంటే ఎందుకు వివక్ష అని ప్రశ్నించారు. ఎంత మంది ఎస్సీలను హత్య చేశారో త్వరలోనే వివరాలు వెల్లడిస్తానని హర్షకుమార్ ప్రకటించారు. రాజకీయాల్లో బైబిలు, భగవధ్గీతాకు ఓటేస్తారా అన్న మాటలు నేనేప్పుడు వినలేదని ఆయన అన్నారు.