రచ్చబండ పేరుతో నిత్యం ఏదో ఒక అంశంపై ఏపీ ప్రభుత్వాన్ని ఇరుకున పెడుతూ వస్తున్నారు. ఆయన వ్యవహారం వైసీపీకి తలనొప్పిగా మారింది. ఆరు నెలల కిందటే ఆయన పై అనర్హత వేటు వేయాలని వైసిపి ఎంపీలు లోక్ సభ స్పీకర్ కు ఫిర్యాదు చేసిన ఎపటికీ ఫలితం కనిపించలేదు.ఏదో ఒక అంశంపై రాజుగారు రచ్చ చేస్తునే వస్తున్నారు. అయితే ఇదంతా బిజెపిలో చేరేందుకు అనే విషయం అందరికీ తెలుసు. కానీ బిజెపి అధిష్టానం మాత్రం రాజు గారి ని చేర్చుకునే విషయంలో ఏ క్లారిటీ ఇవ్వకపోవడంతో ఆయన అలా వెయిటింగ్ లోనే ఉన్నారు. కానీ రకరకాల మార్గాల ద్వారా బిజెపిలో చేరే ప్రయత్నాలు చేస్తూ వస్తున్నారు.కానీ బిజెపి అధిష్టానం పెద్దలు రాజు గారి విషయంలో పెద్దగా దృష్టి సారించకపోవడం వంటివి ఆయనకు ఇబ్బందికరంగా మారాయి. 

అటు వైసీపీ బీజేపీ వైఖరి ఇలా ఉండడంతో రెండు రకాలుగా నష్ట పోతాను అనే భయం రాజుగారిలో బాగా కనిపిస్తుంది. ఇదిలా ఉంటే ఇదే జిల్లాకు చెందిన కేంద్ర మంత్రి ద్వారా ఆయన బిజెపిలో చేరడానికి ప్రయత్నాలు చేస్తున్నారని, కేంద్ర మంత్రి భర్త నరసాపురానికి చెందినవారు కావడంతో వారి ద్వారా బిజెపిలో చేరేందుకు ప్రయత్నిస్తున్నట్లుగా వార్తలు వస్తున్నాయి. రాజు గారి ప్లాన్ ఎంతవరకు  వర్కౌట్ అవుతుందో.