టిడిపి అధినేత చంద్రబాబు సైతం ఎప్పుడూ లేని విధంగా నుదుట బొట్టు పెట్టి మరి హిందూ ఇజానికి  బ్రాండ్ అంబాసిడర్ తానే అన్నట్లుగా మాట్లాడుతున్నారు. ఇక టిడిపి నేతలు ఎక్కువగా ఈ మత పరమైన విమర్శలు చేస్తూ , ప్రజలను రెచ్చగొట్టే విధంగా వ్యవహరిస్తున్నారని,  అదే పనిగా వైసీపీ మంత్రులు,  ఎమ్మెల్యేల పై మండిపడుతూ పెద్ద ఎత్తున విమర్శలు చేస్తున్నారు. వైసీపీ లేడీ ఫైర్ బ్రాండ్ , నగరి ఎమ్మెల్యే ఆర్కే రోజా టిడిపి అధినేత చంద్రబాబును ఉద్దేశించి ఘాటు విమర్శలు చేశారు.

 గతంలో వెయ్యికాళ్ల మండపాన్ని కూల్చా రని, అందుకే చంద్రబాబు ఆయన పార్టీ ఇంతగా పతనం అయ్యారు అంటూ మండిపడ్డారు. ఆయన పాలనలో విజయవాడలో గుళ్ళు కొల్లగొట్టి టాయిలెట్లు కట్టారు.. అందుకే ఈ రోజు ఇంత పతనమయ్యారు అంటూ మండిపడ్డారు. చంద్రబాబుకు బుద్ధి లేకుండా ఇప్పుడు రాజకీయాలు మొదలు పెట్టారు. దేవాలయాల భద్రత కోసం 20వేల సిసి కెమెరాలు పెట్టాం. చంద్రబాబు తన పాలనలో ఇలా ఎందుకు చేయలేదు..? అయ్యప్ప మాల వేస్తే మద్యం ఆదాయం తగ్గిపోతుంది అనే వ్యక్తి చంద్రబాబు అంటూ మండిపడ్డారు. 

 " చంద్రబాబు హయాంలో ఆలయాలను కూల్చి టాయిలెట్లు కట్టారు. డీజీపీ మతం గురించి మాట్లాడుతున్న చంద్రబాబు... గతంలో సి పి గా పెట్టలేదా ? ఇప్పుడు పని చేస్తున్న అధికారులు అంతా చంద్రబాబు హయాంలో ఉన్నవారే కదా ! సీఎం వైఎస్ జగన్ అధికారులను కొత్తగా తెచ్చారా ? చంద్రబాబు చేయని ఆలయ అభివృద్ధి నిర్మాణాలను సీఎం జగన్ చేస్తున్నారు అంటూ  బాబు తీరుపై రోజా తీవ్రంగా మండిపడ్డారు.