ఇదే విషయాన్ని పార్టీ నేతల దగ్గర ప్రస్తావిస్తే అసలు విషయం చెప్పారు. ఇంతకీ అదేమిటంటే ఒకేసారి మూడు నాలుగు సమస్యలు చంద్రబాబును చుట్టుముడుతున్నాయట. దాని తాలూకు కోపమే ఫ్రస్ట్రేషన్ రూపంలో జగన్ పై చూపుతున్నారట. ఇంతకీ అవేమిటయ్యా అంటే న్యాయవ్యవస్ధలో జరిగిన మార్పులు. హైకోర్టు చీఫ్ జస్టిస్ జేకే మహేశ్వరి హఠాత్తుగా సిక్కింకు బదిలీ అయిపోవటం అందరికీ తెలిసిందే. అలాగే సుప్రింకోర్టు జస్టిస్ ఎన్వీ రమణ పైన కూడా సుప్రింకోర్టు చీఫ్ జస్టిస్ ఎస్ ఏ బాబ్డే విచారణ జరుపుతున్నారు. అదికూడా జగన్మోహన్ రెడ్డి ఫిర్యాదు మేరకే విచారణ జరుగుతుండటం చంద్రబాబుకు మింగుడుపడటం లేదట. న్యాయవ్యవస్ధ ద్వారా జగన్ను కంట్రోలు చేయవచ్చని అనుకున్న చంద్రబాబుకు వ్యవహారమంతా రివర్సు తిరిగిందనే ప్రచారం అందరికీ తెలిసిందే. దీనికి అదనంగా ఈనెల 18న అక్రమాస్తుల విచారణపై తీర్పు రాబోతోంది.