పవన్ కేవలం తెలుగుదేశం పార్టీకి ఇబ్బంది ఏర్పడినప్పుడు ఆ పార్టీని రక్షించేందుకు వైసీపీ పై విమర్శలు చేస్తున్నారని,  దానికి తగ్గట్టుగానే పవన్ ప్లాన్ చేసుకుంటున్నారు అనే విమర్శలు వ్యక్తమవుతున్నాయి . ఇక కొద్ది రోజుల క్రితం టీడీపీ జాతీయ ప్రధాన కార్యదర్శి నారా లోకేష్ రైతు యాత్ర చేపట్టారు. సరిగ్గా అదే సమయంలో పవన్ కూడా యాత్ర చేపట్టడం , లోకేష్ , తాము  రైతు సమస్యలపై  పోరాడుతున్నామని అభిప్రాయం కలిగించడానికి అనే విమర్శలు వ్యక్తమయ్యాయి. 2014 ఎన్నికల్లో తెలుగుదేశం పార్టీకి పవన్ మద్దతు పలికారు. ప్రభుత్వాన్ని గెలిపిస్తే ప్రజల తరఫున తాను ప్రశ్నిస్తాం అని,  టీడీపీ ఇచ్చిన హామీలు అన్నిటికీ, జవాబుదారీగా ఉంటాను అంటూ చెప్పారు. టిడిపి ఐదేళ్ల కాలంలో ఆ పార్టీని విమర్శించడం గాని చేయలేదు. అదే సమయంలో ప్రతిపక్షంలో ఉన్న వైసిపి పై పెద్ద ఎత్తున విమర్శలు చేస్తూ,  జగన్ టార్గెట్ చేసుకుంటూ ఎన్నో రకాలుగా విమర్శలు చేశారు. అప్పుడే పవన్ తీరుపై పెద్ద ఎత్తున విమర్శలు వచ్చాయి.

 ఇక వైసీపీ ప్రభుత్వం 2019 ఎన్నికల్లో అధికారంలోకి వచ్చిన తర్వాత మళ్లీ వైసీపీ ప్రభుత్వాన్ని టార్గెట్ చేసుకుంటూ పవన్ విమర్శలు చేస్తూ, యాత్రలు, ఉద్యమాలు అన్ని టిడిపికి కలిసి వచ్చే విధంగా చేస్తున్నారనే విమర్శలు వ్యక్తమవుతున్నాయి. పార్టీ శ్రేణు ల్లో గతంతో పోలిస్తే ఇప్పుడు ఉత్సాహం పెరిగినా, జనాలు మాత్రం అనుమానాలు మాత్రం పోవడం లేదు.  జనాల్లో కూడా బలం పెంచుకుని పవన్ దూకుడుగా వ్యవహరిస్తే జనసేన కు ఎన్నో రకాలుగా కలిసి వస్తుందనే అభిప్రాయాలు సర్వత్రా వ్యక్తం అవుతున్నాయి.