రాబోయే ఎన్నికల్లో అధికారం సాధిస్తామనే ధీమా ఈ రెండు పార్టీలలోనూ కనిపిస్తోంది. సామాజికవర్గం అండదండలు , సినీ అభిమానులు , బీజేపీ సహకారం ఇలా అన్ని రకాలుగానూ తనకు కలిసొచ్చే అంశాలు ఎక్కువగా ఉన్నాయని పవన్ నమ్ముతున్నారు. రాజకీయంగా సక్సెస్ సాధిస్తానని ధీమాతో ఉన్నారు. 2019 ఎన్నికల్లో జనసేన పార్టీతో పొత్తు పెట్టుకున్న  సిపిఐ మాత్రం గాలి తీసేసింది. ఈ మేరకు సిపిఐ నారాయణ పవన్ రాజకీయ సినిమా అసలు ఆడదు అంటూ సంచలన వ్యాఖ్యలు చేశారు.తమిళ్ సూపర్ స్టార్ రజిని అంశాన్ని ప్రస్తావిస్తూ పవన్ కళ్యాణ్ ను ఉద్దేశించి నారాయణ కామెంట్ చేశారు. 

సినీ నటులకు రాజకీయం చేయడం కుదరని పని తేల్చి చెప్పేశారు. ఎన్టీఆర్ ఎంజీఆర్ కాలంతోనే అయిపోయిందని ,చిరంజీవి అంశాన్ని  కూడా గుర్తు చేస్తూ పవన్ కళ్యాణ్ అంశాన్ని ప్రస్తావించారు. పవన్ సినిమాలు చేసుకోవాలి అంటూ నారాయణ ఉచిత సలహా కూడా ఇచ్చేశారు. ఇప్పుడు పవన్ చేసిన వ్యాఖ్యలు ఏపీ రాజకీయాల్లో సంచలనం సృష్టిస్తున్నాయి. నారాయణ తీరుపై జనసైనికులు మండి పడుతూ ఉండగా, మరికొందరు మాత్రం నారాయణ చెప్పింది నూటికి నూరు శాతం నిజం అంటూ వ్యాఖ్యానిస్తున్నారు.