తన రాజకీయ ప్రత్యర్థి, మాజీ ఎమ్మెల్యే యరపతినేనిపైనా విరుచుకుపడ్డారు. పిడుగురాళ్లలో జరిగిన ఉన్నం నరేంద్ర హత్య కేసులో ముద్దాయిగా ఉన్న సంగతి మర్చిపోయావా అంటూ నిలదీశారు. హత్యకు గురైన అంకులు ఎవరో కూడా తనకు తెలియదన్న కాసు మహేష్.. కనీసం ఆయనను ఎప్పుడూ చూడలేదని అన్నారు. ఆయన్ను చంపితే తమకేం వస్తుందంటూ ఎదురుదాడికి దిగారు. టీడీపీ నాయకులు శవరాజకీయాలు మానుకోవాలని హితవు పలికారు. పురంశెట్టి అంకులు హత్యపై పోలీసులు పూర్తిస్థాయిలో దర్యాప్తు చేస్తున్నారని.. అసలు నిజాలు త్వరలోనే బయటకు వస్తాయని ఎమ్మెల్యే మహేష్ రెడ్డి తెలిపారు. అంకులు హత్యను తీవ్రంగా ఖండిస్తున్నామన్నారు. ఈ హత్య కేసులో ఎంతటి వారున్నా శిక్ష తప్పదని కాసు వ్యాఖ్యానించారు. కేవలం సంక్షేమ పథకాల నుంచి ప్రజల దృష్టి మళ్లించేందుకే దేవాలయాలపై దాడులు, శవరాజకీయాలకు టీడీపీ తెరలేపిందని ఆయన విమర్శించారు.