കൊച്ചി : സർക്കാർ അനുമതി നൽകിയെങ്കിലും സംസ്ഥാനത്തെ സിനിമാ തിയറ്ററുകള്‍ ഇന്ന് തുറക്കില്ല. തിയറ്ററുകൾ തുറക്കുന്നതു സംബന്ധിച്ച് തീരുമാനമായിട്ടില്ലെന്ന് ഫിയോക്ക് – ഫിലിം ചേംബർ പ്രതിനിധികൾ അറിയിച്ചിരുന്നു.
വിവിധ സാധ്യതകൾ പരിശോധിയ്ക്കുന്നതിനായി ഫിയോക്ക് യോഗം ഇന്നും ഫിലിം ചേംബര്‍ യോഗം നാളെയും കൊച്ചിയില്‍ ചേരും. ഈ യോഗങ്ങളിലായിരിക്കും തിയറ്ററുകള്‍ തുറക്കുന്നതു സംബന്ധിച്ച് തീരുമാനമുണ്ടാവുക. മിക്കവാറും അടുത്ത ആഴ്ചയോടെ തിയറ്റുകള്‍ തുറക്കാനാണു സാധ്യത.
തിയറ്ററുകളുടെ നടത്തിപ്പുമായി ബന്ധപ്പെട്ട് സര്‍ക്കാരിനു മുന്നില്‍ വയ്‌ക്കേണ്ട പ്രശ്‌നങ്ങള്‍, എല്ല ഭാഷയിലെയും സിനിമാ ലഭ്യത തുടങ്ങിയ വിഷയങ്ങൾ ഫിയോക്ക് യോഗത്തില്‍ ചര്‍ച്ചയാവും.
Post Your Comments