దీంతో ప్రజల్లో ఆన్లైన్ మోసాల పై అవగాహన కల్పించేందుకు వినూత్న రీతిలో ప్రచారాన్ని చేపట్టారు. మహిళలు జాగ్రత్తగా ఉండాలి అంటూ ప్రముఖ టాలీవుడ్ నటుడు జూ. ఎన్టీఆర్ చే ఒక ప్రచార వీడియోను చేయించారు తెలంగాణ పోలీసులు. ఈ వీడియోలో "చెల్లెమ్మా నీకే చెప్తున్నా.. నా మాట విను.. ఫేస్‌బుక్‌ మోసాల పట్ల తస్మాత్‌ జాగ్రత్త"  అంటూ జూనియర్‌ ఎన్టీఆర్‌ తెలంగాణ పోలీసులకు ప్రచారకర్తగా వ్యవహరిస్తున్నారు. ఫేస్‌బుక్‌లో ఫ్రెండ్‌ రిక్వెస్ట్‌ పేరుతో అమ్మాయిల్ని బురిడీ కొట్టించి, ఫోన్‌ నెంబరు తీసుకుని, ప్రేమ పేరుతో అభ్యంతరకర ఫోటోలు వాట్సాప్ లో పోస్ట్ చేస్తూ అమాయక మహిళలతో కొన్ని ముఠాలు బ్లాక్‌ మెయిల్‌కు పాల్పడుతున్నాయి.

 ఇలాంటి ముఠాల పట్ల అప్రమత్తంగా ఉండాలని తెలంగాణ పోలీసులు రూపొందించిన వీడియోను జూనియర్‌ ఎన్టీఆర్‌ ప్రమోట్‌ చేశారు. ఫేస్‌బుక్‌ ఫ్రెండ్‌ రిక్వెస్ట్‌ మోసాల పట్ల జాగ్రత్తగా ఉండాలని, ఎవరైనా బాధితులుగా మారితే ధైర్యంగా పోలీసులకు ఫిర్యాదు చేయాలని ఆయన అవగాహన కల్పిస్తున్నారు. మరి ఇకనైనా ఆన్లైన్ మోసాల పట్ల ప్రజలు ఎప్పటికప్పుడు అప్రమత్తంగా వ్యవహరించాలని తెలంగాణ పోలీసులు ప్రజలకు సూచిస్తున్నారు. అయితే ఆన్లైన్ మోసాలు పెరుగుతున్న క్రమంలో వాటిపై ప్రత్యేక దృష్టి పెట్టినట్టు పోలీసులు తెలిపారు.