ఎంఎల్ఏగా పోటీ చేయకుండా ఎంఎల్సీ అయ్యారంటేనే ఎన్నికల్లో పోటీ చేసేందుకు ఎంత భయపడ్డారో అర్ధమైపోయింది. అదే భయం మొన్నటి ఎన్నికల్లో మంగళగిరిలో ఎంఎల్ఏగా పోటీ చేసినపుడు నిజమైపోయింది. అనేక సర్వేలు చేయించుకుని ఏరికోరి మంగళగిరిని ఎందుకున్నారు. చివరకు అక్కడే 16 వేల ఓట్లతో ఓడిపోయారంటేనే లోకేష్ కెపాసిటి అర్ధమైపోలా ? అలాంటి చినబాబు కూడా తనని తాను జగన్ తో సమానస్ధాయిగా ఊహించుకోవటమే విచిత్రంగా ఉంది. చాలామంది మంత్రులు అసలు లోకేష్ ను ఓ నాయకునిగానే పరిగణించటం లేదు. అలాంటిది జగన్ పట్టించుకుంటారా ? తండ్రి, కొడుకుల సమస్యేమిటంటే తాము ఎన్ని ఆరోపణలు చేసినా జగన్ సమాధానం చెప్పటం లేదనే. ఆ ఉక్రోషంలో నుండే జగన్ పై చంద్రబాబు, లోకేష్ నోటికొచ్చినట్లు మాట్లాడేస్తున్నారు.