ట్రంప్ అధ్యక్షుడిగా ఓడిన తరువాత తన ఓటమని అస్సలు జీర్ణించుకోలేక పోతున్నారు. బిడెన్ విజయం పై అనుమానాలు ఉన్నాయని, తన గెలుపుపై తనకు నమ్మకముందని ముందు నుంచీ వాదిస్తూ వచ్చిన ట్రంప్ ఎలాగైనా అమెరికా అధ్యక్షుడిగా తానె ఉండాలనే మంకు పట్టుపట్టారు. ఈ క్రమంలోనే ఫలితాలు తారుమారు చేయడానికి ట్రంప్ చేయని ప్రయత్నం లేదు. జార్జియా రాష్ట్రంలో తనకు అనుకూలంగా ఫలితాలు రావడానికి ఆ రాష్ట్ర కార్యదర్శి తో ఫోన్ లో చేసిన సంభాషణ ఇప్పుడు సోషల్ మీడియాలో హల్ చల్ చేస్తోంది..

వాషింగ్టన్ పోస్ట్ కధనం ప్రకారం జార్జియా రాష్ట్రంలో ఫలితాలు తనకు అనుకూలంగా వచ్చినట్టు ప్రకటించాలని ట్రంప్ జార్జియా సెక్రెటరీ ఆఫ్ స్టేట్ బ్రాడ్ ను కోరారు. ఈ క్రమంలో వీరిద్దరి మధ్య జరిగిన సంభాషణ అమెరికాలో ప్రకంపనలు సృష్టిస్తోంది. వీరిద్దరూ మాట్లాడుకున్న ఆడియో కాల్ లో తనకు ఎక్కువ ఓట్లు వచ్చాయని చెప్పకపోతే క్రిమినల్ కేసులు ఎదుర్కోవాల్సి ఉంటుందని ట్రంప్ ఏకంగా తన పార్టీ నేతనే బెదిరించారు. తాజాగా ట్రంప్ ఆడియో కాల్ బయటకి రావడంతో ట్రంప్ పై ఇంటా బయట విమర్శలు తారాస్థాయికి చేరుకున్నాయి. అగ్ర రాజ్యానికి అధ్యక్ష హోదా వెలగపెట్టిన ట్రంప్ తనగెలుపుకోసం   చివరికి ఏ స్థాయికి దిగాజారిపోయాడో    అర్థంచేసుకోవచ్చు...