ప్రస్తుతానికి అలాంటి ఉద్దేశం లేదని కానీ ఆయనతో ఎప్పటికైనా సినిమా చేస్తానని అట్లీ చెప్పుకొచ్చాడు. ఆ తరువాత ఎన్టీఆర్ కేజిఎఫ్ దర్శకుడు ప్రశాంత్ నీల్ దర్శకత్వంలో మరో సినిమా చేస్తాడని కూడా ప్రచారం జరిగింది. అయితే ప్రశాంత్ నీల్ ప్రభాస్ తో సినిమా అనౌన్స్ చేయడంతో ఈ ప్రచారం కూడా ఆగిపోయింది. అయితే తాజాగా మరో ప్రచారం మొదలైంది. తమిళంలో ఖైదీ సినిమాను తెరకెక్కించిన లోకేష్ కనగరాజ్ దర్శకత్వంలో ఎన్టీఆర్ ఓ సినిమా చేయనున్నాడని ప్రచారం మొదలైంది. 

కార్తీ హీరోగా ఖైదీ అనే సినిమా చేసి మంచి పేరు తెచ్చుకున్న ఈ దర్శకుడు విజయ్ తో మాస్టర్ అనే సినిమా కూడా చేశాడు, ప్రస్తుతం ఆ సినిమా రిలీజ్ కు సిద్ధమైంది ఈ సినిమా మీద భారీ అంచనాలు నెలకొన్నాయి, ఈ సినిమా ట్రైలర్ కూడా ఈ మధ్యనే రిలీజ్ అయింది. ఇప్పుడు ఆయన ఎన్టీఆర్ తో సినిమా చేస్తున్నాడు అంటూ ప్రచారం మొదలైంది. నిప్పు లేకుండా పొగ రాదు అనే సామెత మా టాలీవుడ్ వాళ్ళు గుర్తు చేస్తున్నా గత అనుభవాల దృష్ట్యా అధికారిక ప్రకటన వస్తే గాని ఈ వార్త నమ్మలేము. చూడాలి మరి ఏమవుతుంది అనేది.