అభిమానులు పార్టీ స్థాపించాలి అంటూ ధర్నా చేశారు. పొలిటికల్ ఎంట్రీ ఇవ్వడం లేదు అని చెప్పేసిన రజిని ప్రశాంతంగా విశ్రాంతి తీసుకుందాం అనుకుంటే ఆయనను రాజకీయాలు వదిలిపెట్టెలా కనిపించడం లేదు. ఇప్పుడు ఇదే ఆయనకు అగ్నిపరీక్షగా మారింది. పార్టీ పెట్టడం లేదు కాబట్టి తమ పార్టీకి మద్దతు ఇవ్వాలంటూ పెద్దఎత్తున ఇతర పార్టీల నాయకులు కోరుతూ, రజనీపై ఒత్తిడి చేస్తున్నారట.రాజకీయ పార్టీల నాయకుల పరామర్శలు , ఒత్తిడితో రజనీకి ఫోన్ ఎత్తాలి అంటే నే భయపడే పరిస్థితి వచ్చిందట. ముఖ్యంగా కమల్ హాసన్ సైతం రజిని పొత్తు కోసం చేస్తున్న ప్రయత్నాలు చర్చనీయాంశం అవుతున్నాయి. రజిని పార్టీ పెట్టేందుకు సన్నాహాలు చేయకముందే ఆయనతో కలిసి పని చేస్తానంటూ ఎప్పుడో ప్రకటించారు.

 తాము ఎప్పుడూ వేరు వేరు కాదని , ఒకే ఆశయం కోసం రాజకీయాల్లోకి వస్తున్నామంటూ గతంలోనే ప్రకటించారు. ఇప్పుడు రాజకీయాల్లోకి రాకపోవడాన్ని కూడా కమల్ హాసన్ స్వాగతిస్తున్నారు. రజిని నిర్ణయంపై నిరుత్సాహ పడినప్పటికీ , ఆయన ఆరోగ్యంగా ఉండడమే అందరికీ అవసరం అంటూ త్వరలోనే కలుస్తాను అంటూ స్టేట్మెంట్ఇ చ్చారు. ఇప్పుడు రజనీ కమల్ భేటీ అయినా అప్పుడు కూడా మద్దతు అంశం చర్చకు వచ్చే అవకాశం కనిపిస్తోంది. ఇక రజిని ఫోన్ విరామం లేకుండా రాజకీయ నేతల పరామర్శ పొత్తు ప్రయత్నాలు చేస్తుండడంతో ఫోన్ ఎత్తాలి అంటే రజిని వణికిపోతున్న ట్టు ఆయన కుమార్తెలు వెల్లడిస్తున్నారు.