യു ഡി എഫ് അംഗത്തിൻ്റെ വോട്ട് അസാധു: നിറമരുതൂരിൽ ഭരണം എൽഡിഎഫിന്

മലപ്പുറം> നിറമരുതൂർ പഞ്ചായത്തിൽ യുഡിഎഫ് അംഗത്തിൻ്റെ വോട്ട് അസാധുവായതോടെ നറുക്കെടുപ്പിൽ ഭരണം എൽഡിഎഫിന്. സിപിഐ എമ്മിലെ പി പി സൈതലവിയാണ് പ്രസിഡൻറായി തെരഞ്ഞെടുക്കപ്പെട്ടത്.

17 അംഗങ്ങളിൽ യുഡിഎഫിന് 9, എൽഡിഎഫിന് 8 എന്നാണ് കക്ഷി നില. ഒമ്പതാം വാർഡിൽ നിന്നുള്ള യുഡിഎഫ് അംഗം ആബിദ പുളിക്കലിൻ്റെ വോട്ടാണ് അസാധുവായത്. ഇതോടെ അംഗബലം തുല്യമായി. തുടർന്നാണ് നറുക്കെടുപ്പ് നടന്നത്.