ముఖ్యంగా, డబ్బింగ్ కూడా చెప్పుకునేందుకు వీలుగా డైలాగ్స్ ను కూడా బాగానే బట్టీపట్టింది ఈ బాలీవుడ్ బ్యూటీ. సౌత్ ఆడియెన్స్ కు కూడా చేరువవ్వాలని ఈ సినిమాకు గ్రీన్ సిగ్నల్ ఇచ్చింది. తెలుగు డైలాగ్స్ ను నేర్చుకుంది. గతేడాది నుంచి తెలుగు భాషపై తన హోమ్ వర్క్ కంటిన్యూ చేస్తూనే ఉంది. ఓ ట్యూటర్ ను కూడా నియమించుకుంది. 

రీసెంట్ గా హైదరాబాద్ వచ్చి ఓ షెడ్యూల్ ను పూర్తిచేసుకుంది. దాదాపు పదిరోజుల పాటు షూటింగ్ లో పాల్గొంది. ఐతే, చెర్రీ అలాగే అలియాతో కాంబినేషన్ సీన్స్ మాత్రం చిత్రీకరణ జరుపుకోలేదు. అలియా హైదరాబాద్ కు వచ్చిన సమయంలో చెర్రీ ఇక్కడ లేకపోవడమే ఇందుకు కారణం. చెర్రీ తన చెల్లెలు నీహారిక కొణిదెల వివాహ వేడుకలలో పాల్గొనడం కోసం రాజస్థాన్ వెళ్లడం జరిగింది. కాబట్టి, ఈ సీన్స్ చిత్రీకరణను జనవరి ఫస్ట్ వీక్ కు వాయిదా వేశాడు రాజమౌళి. 

ఐతే, లేటెస్ట్ అప్డేట్ ప్రకారం, రామ్ చరణ్ ప్రస్తుతం హోమ్ క్వారంటైన్ లో ఉండటం వల్ల మరో 14 రోజులపాటు షూటింగ్ కు అందుబాటులో ఉండదు. కాబట్టి, ఈ షెడ్యూల్ ను మళ్ళీ మార్చాల్సిన పరిస్థితి ఏర్పడింది. జనవరి సెకండ్ వీక్ వరకు రామ్ చరణ్ షూట్ లో పాల్గొనే అవకాశం లేదని తెలుస్తోంది. 

మరోవైపు అలియా ఈ ప్రాజెక్ట్ లో వర్క్ చేయడం గురించి చాలా ఎగ్జైట్ అవుతోంది. ఈ సినిమా చిత్రీకరణలో పాల్గొనడం తనకు డిఫెరెంట్ ఎక్స్పీరియన్స్ గా ఉంటోందని, ఈ సినిమా కోసమే తెలుగు భాషను నేర్చుకోవడం జరుగుతోందని చెప్పుకొచ్చింది.