మళ్ళీ టీడీపీ అధికారంలోకి రావడమే పురగుట్ట పేరు మార్చి ఎన్ టీ ఆర్ పేరు పెట్టి పట్టాలు ఇస్తాంమని ఆయన అన్నారు.  అయ్యప్ప మాలలో ఉండి ఎమ్మెల్యే వసంత అసత్యాలు, అబద్దాలు మాట్లాడుతున్నాడని ఆయన విమర్శించారు.  పత్రికలను తిడితేనో, నన్ను తిడితే నో నీకు భయపడం అని ఆయన అన్నారు.  రైతు సమస్య తీర్చమని వస్తే నాయకుడితో దాడి చేయించడం దారుణమని అన్నారు.  రైతు లపై దాడులు చేయడమేనా రాజన్న రాజ్యం అని ఆయన ప్రశ్నించారు. 

వైసీపీ నాయకుల దాడులకు కొంతమంది గ్రామాలు వదిలి వెళ్లిపోయారన్న ఆయన  అవినీతి చేస్తే రాజీనామా చేస్తానన్నావుగా చెయ్ అంటూ సవాల్ విసిరారు.  ఎన్నికల ముందు కారు కూతలు కూసి అధికారంలోకి వచ్చాక కృష్ణ ప్రసాద్ కు కళ్ళు నెత్తికి ఎక్కాయని ఆయన అన్నారు. కడప జిల్లాలో సుబ్బయ్య హత్య సర్కార్ హత్య అని ఆయన అన్నారు.   అవినీతి ని ప్రశ్నిస్తే చంపేస్తారా ? అని ఆయన ప్రశ్నించారు.  సుబ్బయ్య హత్యపై ప్రభుత్వం సమాధానం చెప్పాలని డిమాండ్ చేశారు.