తాజాగా ఓ కోడలు కోపం పట్టలేక  ఏకంగా అత్తగారి ముక్కు కొరికేసింది. సంచలనం రేపుతున్న ఈ ఘటన అలంపూర్ లో చోటు చేసుకుంది. ఈ ఘటనకు సంబంధించిన పూర్తి వివరాల ల్లోకి వెళ్తే తెలంగాణలోని జోగుళాంబ గద్వాల జిల్లా మానవపాడు మంగలి వీధిలోని శారదమ్మ, జయ్యన్న దంపతు లకు ప్రసాద్, భాస్కర్, శేఖర్‌ సంతానం. పెద్ద కొడుకు ప్రసాద్‌ కర్నూలులోని అత్తగారి ఇంట్లో ఇల్లరికం ఉంటున్నాడు. 

అన్నదమ్ముల మధ్య తరచూ కుటుంబ కలహాలు జరుగుతున్నాయి. ఈ క్రమంలో నిన్న ఉదయం మరో సారి గొడవ పడ్డారు. దీంతో చిన్న కుమారుడు శేఖర్‌ భార్య రేవతి ఆగ్రహంతో అత్త శారదమ్మ ముక్కు కొరికింది. తీవ్ర రక్తస్రావం కావడంతో ఆమెను ఆస్పత్రికి తరలించారు. దీంతో వైద్యులు అప్పటికప్పుడు ముక్కుకు ఏడు కుట్లు వేశారు. ఈ ఘటన ఇప్పుడు సంచలనంగా మారింది. అత్త ఫిర్యాదు మీద కేసు నమోదు చేసుకున్న పోలీసులు కోడలిని అదుపులోకి తీసుకుని ప్రశ్నిస్తున్నారు. తాను కోపంలో అలా చేశానని హాని చేయాలని కాదని ఆమె చెబుతోంది.