ఇక ఈ వాతావరణ కేంద్రం... హిమాలయాల్లో ఏర్పాటు చేసిన రెండో వాతావరణ కేంద్రం కావడం మరో విశేషం. ఇంతకు ముందు ఇటీవలే అరుణాచల్‌ ప్రదేశ్‌ రాష్ట్రంలోని ఈటానగర్‌లోనూ ఇలాంటిదే మరొక వాతావరణ కేంద్రాన్ని ఏర్పాటు చేశారు. ఇవి రక్షణ సిబ్బందికి వ్యూహాత్మకంగా ఉపయోగపడనున్నాయి. భారత వాతారణ శాఖ (IMD) ఈ వాతావరణ కేంద్రం ద్వారా రోడ్లు, వ్యవసాయం, విపత్తు నిర్వహణ వంటి తదితర అంశాలకు సంబంధించి హెచ్చరికలు, వివిధ సూచనలు చేయనుంది. ముఖ్యంగా భద్రతా బలగాల కదలికలకు కూడా ఈ సూచనలు దోహదపడనున్నాయి. ఇకపోతే కేంద్ర పాలిత ప్రాంతం లడఖ్‌లో వాతావరణం తరచూ మారుతుంటుంది. ఈ నేపథ్యంలో సైనికులకు తదనుగుణంగా నిర్ణయాలు తీసుకోవడానికి ఇది తోడ్పడనుంది. లేహ్‌లో భారత్‌ ఇప్పటికే ప్రపంచంలోనే అతిపెద్ద సొరంగ మార్గాన్ని నిర్మించింది. ‘అటల్‌ టన్నెల్‌’గా నామకరణం చేసిన ఈ సొరంగ మార్గం మనాలి నుంచి లేహ్‌ వరకు 9.2 కి.మీ మేర ఉంది. ఇది సముద్ర మట్టానికి 10,000 అడుగుల ఎత్తులో ఉంది.