ఇక పూర్తిగా రాజకీయాల్లోని రాణిస్తాను అని,  సినిమాల జోలికి వెళ్లేది లేదని ప్రకటించేశారు. కానీ ఫలితాలు దెబ్బ కొట్టడంతో,  తప్పనిసరి పరిస్థితుల్లో మళ్లీ సినిమాల్లోకి రీ ఎంట్రీ ఇచ్చారు. వరుస వరుసగా సినిమాలు చేస్తున్నారు. కానీ ఇప్పుడు అకస్మాత్తుగా తిరుపతి ఉప ఎన్నికలతో పాటు,  స్థానిక సంస్థల ఎన్నికలు ,ఆ తర్వాత అసెంబ్లీ ఎన్నికలు కూడా రాబోతున్న తరుణంలో,  పూర్తిగా రాజకీయాలపై ఫోకస్ పెంచారు. మిత్రపక్షమైన బీజేపీ అండదండలు ఎలాగే ఉన్నాయి కాబట్టి,  తమకు కలిసి వస్తుందని భావిస్తున్నారు. అందుకే దూకుడుగా ముందుకు వెళ్తున్నారు. జనాల్లో తిరుగుతూ , జననాయకుడిగా గుర్తింపు పొందేందుకు ఆరాటపడుతున్నారు. 

క్రమక్రమంగా జనాల్లో బలం పెంచుకోవడం ద్వారా రాబోయే రోజుల్లో జనసేన కు తిరుగులేకుండా చేసుకోవాలనే ఉద్దేశంలో ఉన్నారు. పూర్తిగా రాబోయే సార్వత్రిక ఎన్నికలను దృష్టిలో పెట్టుకుని పవన్ ఇప్పటి నుంచే రాజకీయాన్ని అనుకూలంగా మార్చుకుని , ఏ రాజకీయ పరిణామాలు జరిగినా, తాను సీఎం కుర్చీలో కూర్చోవాలి అనేదే అంతిమ నిర్ణయం గా పవన్ ముందుకు వెళ్తున్నట్టు గా కనిపిస్తున్నారు.