అయితే ఇప్పుడు మోనాల్ కు కూడా ఒక మంచి సినిమా ఆఫర్ వచ్చినట్లు సమాచారం. అయితే అది హీరోయిన్ అవకాశం మాత్రం కాదు ఒక ఐటెం నెంబర్ అని అంటున్నారు. కందిరీగ దర్శకుడు సంతోష్ శ్రీనివాస్ దర్శకత్వంలో బెల్లంకొండ సాయి శ్రీనివాస్ హీరోగా నటిస్తున్న అల్లుడు అదుర్స్ సినిమాలో మోనాల్ ఒక ఐటెం సాంగ్ చేయనున్నట్లు సమాచారం. నిజానికి ఈ సాంగ్ కోసం ముందు బాలీవుడ్ నటి మౌని రాయ్ యూనిట్ సంప్రదించింది. 

దానికి ఆమె ఓకే చెప్పింది కూడా. అయితే ఇప్పుడు ఆమె మరిన్ని ప్రాజెక్టులు ఒప్పుకోవడంతో ఈ ప్రాజెక్ట్ చేయలేమని చేతులెత్తేసినట్టు సమాచారం. ఈ క్రమంలో చాలా మందిని పరిశీలించిన సినిమా యూనిట్ ప్రస్తుతానికి మోనాల్ కి ఉన్న క్రేజ్ ని వాడుకోవడానికి సిద్ధమైనట్లు సమాచారం. ఇప్పటికే మేకర్స్ ఈ మేరకు మోనాల్ ని సంప్రదించగా దానికి ఆమె గ్రీన్ సిగ్నల్ ఇచ్చింది అని చెబుతున్నారు. ఒక రకంగా సినిమాలేవీ చేయకుండా ఖాళీగా ఉండటం కంటే ఏదో ఒకటి చేస్తూ జనాల్లో కనిపిస్తూ ఉండటం బెటర్ అని ఆమె భావిస్తున్నట్లు సమాచారం.