దుబ్బాక ఉప ఎన్నికలలో ఓటమి ఆ పార్టీని ఇప్పటికీ కోలుకోలేని విధంగా దెబ్బ తీయడంతో... గెలుపే లక్ష్యంగా కేసీఆర్ సరికొత్త ఎత్తుగడలకు తెరతీశారు. దుబ్బాకలో దివంగత సోలిపేట రామలింగారెడ్డి మరణంతో ఆయన భార్యకు టికెట్ ఇచ్చారు. అయితే అక్కడ సానుభూతి పవనాలు వీయకపోవడంతో బీజేపీ అనూహ్యంగా గెలిచింది. ఇప్పుడు నాగార్జునసాగర్ నియోజకవర్గంలోనూ సెంటిమెంట్ వర్కవుట్ అయ్యే అవకాశం కనిపించకపోవడంతో, ఎవరిని ఎంపిక చేయాలని దానిపైన కేసీఆర్ కసరత్తు చేస్తున్నారు. నోముల నర్సింహయ్య కుటుంబంలో ఒకరికి టికెట్ ఇచ్చేందుకు కేసీఆర్ కు ఇష్టం లేకపోవడంతో,  మరో ప్రత్యామ్నాయ నేత కోసం వెతుకులాట మొదలుపెట్టారు.

 అలాగే నోముల నరసింహ కుటుంబం నుంచి పెద్దగా రాజకీయాల్లోకి వచ్చేందుకు ఇష్టపడకపోవడం తో అదే సామాజిక వర్గానికి టిక్కెట్ ఇవ్వాలా అనే విషయం పైనా కేసీఆర్ పరిశీలిస్తున్నారు. ఇక్కడ కాంగ్రెస్ నుంచి జానారెడ్డి అభ్యర్థి అవుతారు. ఒకవేళ ఆయన బీజేపీ లోకి వెళ్ళినా ఆయన రంగంలో ఉండే అవకాశం ఉండడంతో, ఆయన బలమైన నేత కావడంతో ఆయనను ఢీకొట్టే మరో బలమైన నేత కోసం వెతుకులాట మొదలు పెట్టినట్లు తెలుస్తోంది. ఒకటి రెండు పేర్లు పరిశీలనకు వచ్చినా, గెలుపు పై అనే సందేహాలు ఉండడంతో మరికొద్ది రోజులు దీనిపై దృష్టి పెట్టి గెలిచే అభ్యర్థి కి టిక్కెట్ ఇవ్వాలనే ఆలోచనతో కేసీఆర్ ఉన్నట్లు తెలుస్తోంది.