ఒక రకంగా ఆయన చేసేది విలన్ పాత్రలు అయినా రియల్ హీరో అనిపించుకున్నాడు. 2020లో క‌రోనా ప‌రిస్థితుల్లో గొప్ప హృద‌యంతో స్పందించి నందుకు కాను సోనూసూద్ ప‌ర్స‌న్ ఆఫ్ ది ఇయర్-2020గా నిలిచాడు. క‌రోనా వంటి విప‌త్క‌ర ప‌రిస్థితుల్లో సోనూసూద్ అందించిన సేవ‌ల‌కు ఆయ‌న‌ను యూఎన్డీపీ స్పెష‌ల్ హ్యుమానిటేరియ‌న్ అవార్డుతో స‌త్క‌రించింది. అప్పటికప్పుడు తనకు డబ్బు అందక పోవడంతో తన ఆస్తులను మొత్తం తాకట్టు పెట్టి మరీ 10 కోట్లు తీసుకున్నాడు. ఆ డబ్బుతోనే ఆయన తాను చేయాలనుకున్న సాయం చేస్తూ వచ్చాడు. 

ఒకానొక సంధర్భంలో ఆచార్య షూటింగ్ లో మెగాస్టార్ చిరంజీవి సైతం సోనూ సూద్ ని కొట్టడానికి ఇబ్బంది పడ్డారంటే ఆయన క్రేజ్ ఎంతలా ఏర్పడిందో అర్ధం చేసుకోవచ్చు. దీంతో ఆయన ఇక మీదట విలన్ పాత్రలు చేయకూడదని కూడా ఫిక్స్ అయ్యారు. ఆయనను హీరోగా పెట్టి సినిమాలు చేయడానికి నిర్మాతలు ముందుకొస్తున్నారు. స్వచ్చంధ సంస్థలు మొదలు  ఎన్జీవోలు అన్నీ సోనూ సూద్ సేవలని గుర్తించి ఆయన్ని ఇంతలా సత్కరిస్తున్నాయి. అలాంటిది ఒక ప్రైవేట్ ప్రభుత్వంలా మారి సేవలు అందించిన ఈయనకు భారత ప్రభుత్వం ఏ విధంగా గౌరవిస్తుంది అనేది ఇప్పుడు ఆసక్తికరంగా మారింది.