నేడు లబ్ధిదారులకు వాటిని పంపిణీ చేయబోతున్నారు. దాదాపు 31 లక్షల ఇళ్ల పట్టాల పంపిణీ తోపాటు, 15.5 లక్షల ఇళ్ళకు శంకుస్థాపన చేసే కార్యక్రమానికి నేడు శ్రీకారం చుట్టారు. ఎన్నికల్లో ఇచ్చిన హామీలో ఇది కూడా ఉంది. ఈ హామీని ఎప్పుడూ నెరవేర్చుకునేందుకు జగన్ ప్రయత్నించినా, కోర్టు లో టిడిపి అనుకూల వర్గీయులు, మరికొన్ని చోట్ల ఇళ్ల స్థలాల కోసం సేకరించిన భూములపై న్యాయ వివాదాలు ఉండటం వంటి వ్యవహారాలు కారణంగా వాయిదా పడుతూ వచ్చింది.అసలు జగన్ ఇప్పుడు ఇళ్ల స్థలాల పంపిణీ కార్యక్రమం ఎన్నికల ముందు మొదలు పెట్టి హడావుడిగా పంపిణీ చేసి,  రాజకీయ లబ్ది పొందే అవకాశం ఉన్నా,  ఆయన మాత్రం ముందుగానే వీటిని పంపిణీ చేసి తన చిత్తశుద్ధిని నిరూపించుకున్నారు అనే అభిప్రాయం ప్రజల్లో కలిగించారు. 

ఈరోజు ఈ పట్టాల పంపిణీ కార్యక్రమం ఒక పండగలా నిర్వహించేందుకు వైసీపీ ప్రభుత్వం ఏర్పాట్లు చేసింది.  ప్రతి ఊర్లో స్థానిక ఎమ్మెల్యే అర్హులైన వారందరికీ కొత్త ఇళ్ల పట్టాల పంపిణీ తోపాటు, కొన్నిచోట్ల నిర్మాణాల కోసం శంకుస్థాపన చేపడతారు.నేటి నుంచి 15 రోజుల పాటు ప్రజా ప్రతినిధులు వారి వారి నియోజకవర్గాల్లో పర్యటించి ఈ కార్యక్రమం 15 రోజుల పాటు పండుగలా ఏర్పాట్లు చేశారు. ఈ కార్యక్రమం విజయవంతంగా పూర్తి అయితే జగన్ జనాల్లో చిరస్థాయిగా ముద్ర వేయించుకుంటారు అనడంలో సందేహం లేదు.