ఈ వేడుకల్లోనూ మెగా ఫ్యామిలీ యూత్ ఒకే చోట కలిసి సంతోషంగా గడిపింది. రామ్ చరణ్ ఆయన భార్య ఉపాసన హోస్ట్ చేసిన క్రిస్మస్ పార్టీకి  సాయిధ‌ర‌మ్ తేజ్, వ‌రుణ్ తేజ్, నిహారిక‌, చైత‌న్య‌, శిరీష్ ,అల్లు అర్జున్, స్నేహా రెడ్డి, సుస్మిత‌, శ్రీజ‌, క‌ళ్యాణ్ దేవ్ త‌దిత‌రులు ఈ పార్టీలో సంద‌డి చేయ‌గా,అందుకు సంబంధించిన ఫొటోని ఎవరికీ వారు తమ తమ సోషల్ మీడియా అకౌంట్స్ లో పోస్ట్ చేస్తూ అంద‌రికి క్రిస్మ‌స్ శుభాకాంక్ష‌లు తెలిపారు. 

ఇక ఈ వేడుకల్లో కొత్తల్లుడు చైతన్య, నిహారికలు స్పెషల్ ఎట్రాక్షన్ గా నిలిచారు. ఇక ఈ పార్టీ కి హోస్ట్ చేసిన రామ్ చరణ్ - ఉపాసనాలకు థాంక్స్ చెబుతూ అల్లు హీరో శిరీష్ మెగా ఫ్రేమ్ ని తన సోషల్ మీడియాలో పోస్ట్ చేసాడు.  మరో పక్క మెగాస్టార్ చిరంజీవి కూడా ట్విటర్‌ వేదికగా క్రిస్మస్ శుభాకాంక్షలు అందించారు. ‘క్రిస్మస్‌ పండుగ శుభాకాంక్షలు. క్రిస్మస్‌ మ్యాజిక్‌‌ మన జీవితాల్లో ఆనందాన్ని, చిరునవ్వును నింపుతుందని ఆశిద్దాం. ఈ పండుగ హాలీడే సీజన్‌ మీలో నూతన ఉత్తేజాన్ని నింపుతుందని కోరుకుంటున్నా’. అని ట్వీట్‌ చేశారు.