అయితే తాజాగా ఇప్పుడు వారికి ఆనందం కలిగించే వార్త తెలిపింది. వివరాల్లోకి వెళితే.. డిసెంబర్ 31, జనవరి 1 రోజున మద్యం షాపులపై ఎలాంటి నిషేధం లేదని రాష్ట్ర బీవరేజెస్ కార్పొరేషన్ ఎండి డి.వాసుదేవ రెడ్డి తెలిపారు. రాష్ట్రంలోని వివిధ మద్యం దుకాణాలు బార్ అండ్ రెస్టారెంట్లు నిత్యం పనిచేస్తున్న విధంగానే నూతన సంవత్సరం సమయంలోనూ అలాగే ఈనెల 31న కూడా పనిచేస్తాయని, రోజువారీ సమయాల్లోనే పనిచేస్తాయని అన్నారు. అయితే రాష్ట్రంలో ప్రస్తుతం మద్యం దుకాణాలు ఉదయం 11గం.ల నుండి రాత్రి 9గం.ల వరకు, బార్ అండ్ రెస్టారెంట్లు ఉదయం 10గం.ల నుండి రాత్రి 10గం.ల వరకూ పనిచేస్తాయని అన్నారు. ఈ సమయాల్లో ఎలాంటి మార్పులు లేవని అన్నారు. అయితే నిజానికి కరోనా వైరస్ మహమ్మారి సెకండ్ వేవ్ ముప్పు రాష్ట్రంలో ఉందనే నిపుణుల హెచ్చరికలు ఉండటంతో ఈ నెల 31న, జనవరి 1నపూర్తి స్థాయి కర్ఫ్యూ విధించే అవకాశాలున్నాయని కొన్ని రోజుల క్రితం సోషల్ మీడియాలో ప్రచారం జరుగుతోంది. దీంతో క్లారిటీ వచ్చింది.