వివరాల్లోకి వెళితే..పెద్దపల్లి జిల్లాలో చోటుచేసుకుంది. రామగుండం మండలం న్యూ పోరట్‌పల్లికి చెందిన కోకా రమేష్, పల్లవి దంపతులకు ఇద్దరు కూతుళ్లు. పెద్దకూతురికి పెళ్లి చేసి పంపించారు. రెండో కూతురు రోజా సిద్దిపేట జిల్లా పెద్దకోడూరు ప్రభుత్వ బాలికల పాలిటెక్నిక్ కళాశాలలో డిప్లొమా ఆఖరి సంవత్సరం చదువుతుంది..లాక్‌డౌన్ కారణంగా ఇంటికే పరిమితమైన రోజా ఆన్‌లైన్ క్లాసులు వినేందుకు స్మార్ట్‌ఫోన్ కావాలని తండ్రిని అడిగింది. ఎన్టీపీసీ తెలంగాణ సూపర్ థర్మల్ పవర్ ప్రాజెక్ట్‌లో ట్రక్ డ్రైవర్‌గా పనిచేస్తున్న రమేష్‌‌కి డబ్బు సర్దుబాటు కాకపోవడంతో స్మార్ట్‌ఫోన్ కొనలేకపోతున్నా అని చెప్పాడు..తరగతులు ప్రారంభం అయ్యేవరకు వేచి చూడమని కోరాడు. 

దీంతో తీవ్ర మనస్థాపానికి గురైన రోజా అఘాయిత్యానికి ఒడిగట్టింది. తల్లిదండ్రులు గురువారం ఉదయం సమీపంలోని బంధువుల ఇంట్లో శుభకార్యానికి వెళ్లిన సమయంలో ఆమె ఆత్మహత్య చేసుకుంది.బంధువుల ఇంట్లో ఉన్న తల్లిదండ్రులు కూతురు ఎంతసేపటికీ రాకపోవడంతో అనుమానం వచ్చి ఇంటికి వచ్చి చూడగా ఉరికి వేలాడుతూ కనిపించింది.. హుటా హూటిన ఆసుపత్రికి తీసుకెళ్తుండగా మార్గం మధ్యలో ప్రాణాలను కోల్పోయింది..నా చావుకు ఎవరూ కారణం కాదు.. నేను కారణం అని రాసి ఉంచిన సూసైడ్ నోట్ లభ్యమైంది. పెళ్లికి ఎదిగి వచ్చిన కూతురు ఇలా చనిపోవడంతో ఆ తల్లి దండ్రులు కన్నీరు మున్నీరుగా విలపిస్తున్నారు.. వారి విషాద గాథ తో గ్రామంలో విషాద ఛాయలు అలుముకున్నాయి.. ఘటన పై కేసు నమోదు చేసుకున్న పోలీసులు విచారణ చేపట్టారు..