కొత్త రకం కరోనా సాధారణంగా జ్వరం, పొడి దగ్గు, వాసన కోల్పోవడంతోపాటు ఇతర ఏడు లక్షణాలు ఉంటాయని తెలిపారు. అలసట, ఆకలి మందగించడం, తలనొప్పి, విరోచనాలు (డయోరియా), మానసిక గందరగోళం, కండరాల నొప్పులు దీనికి సంకేతమని పేర్కొన్నారు. మరోవైపు, నైజీరియాలోనూ మరో కొత్తరకం కరోనాను గుర్తించారు. ఈ విషయాన్ని ఆఫ్రికా అంటువ్యాధుల నియంత్రణ విభాగం ప్రకటించింది. నైజీరియాలో గుర్తించిన కొత్తరకం స్ట్రెయిన్.. బ్రిటన్, దక్షిణాఫ్రికాల జాతికి భిన్నమైందని ఆఫ్రికా సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) డైరెక్టర్ జాన్ కెంగ్‌సాంగ్ పేర్కొన్నారు. నైజీరియాలో గుర్తించిన జన్యువు ఇంకా చాలా పరిమిత డేటాపై ఆధారపడి ఉందని, ఇది 501 మ్యుటేషన్ చెందిన రకమని ఆయన వ్యాఖ్యానించారు. డిసెంబరు 18న దక్షిణాఫ్రికాలో గుర్తించిన స్ట్రెయిన్ 501.వీ2‌గా పేర్కొన్నారు.