కావలసిన పదార్థాలు..


గోధుమ పిండి - రెండు కప్పులు,

అల్లం, వెల్లుల్లి పేస్టు - ఒక టీ స్పూను,


టొమాటో కెచప్‌,

చిల్లీ సాస్‌ - రెండు టీ స్పూన్లు,

ఉల్లి తరుగు - అరకప్పు,

అల్లం, పచ్చిమిర్చి తురుము - ఒక టీ స్పూను,

జీరా పొడి, కారం, గరం మసాలా - ఒక టీ స్పూను

ఉప్పు - రుచికి సరిపడా
 
కొత్తి మీర తరుగు - కొద్దిగా


నూనె - సరిపడా


తయారీ విధానం..

ఒక బౌల్ తీసుకొని అందులో గోధుమ పిండి ,అల్లం వెల్లుల్లి పేస్టు, కొద్దిగా నూనె, చిటికెడు ఉప్పు వేసి గోరువెచ్చని నీటితో ముద్దగా కలిపి పక్కన పెట్టుకోవాలి. స్టవ్ ఆన్ చేసి పాన్ పెట్టుకొని ఉల్లి, అల్లం, పచ్చి మిర్చి తరుగు, ఉప్పు, జీరా, పసుపు, గరం మసాలా, కారం పొడులు, కొత్తి మీర తరుగు వేసి వేగించాలి. గోధుమ పిండిని చిన్న ఉండలుగా చేసి, పూరి లాగా చేసుకోవాలి. ఆ పూరిని తీసుకొని సమోసా తయారీ చెక్కలో పెట్టుకొని అందులో ఉల్లి మిశ్రమాన్ని పెట్టుకొని సమోసా ఆకారంలో వత్తుకోవాలి.. అలా అన్నీ చేసి ఒక నిమిషం పాటు పక్కన పెట్టు కోవాలి.  తర్వాత పెనం పై నూనె రాసి రెండు వైపులా దోరగా వేగించాలి... ఇంతే ఎంతో రుచి కరమైన సమోసాలు రెడీ.. మీకు నచ్చినట్లయితే మీరు ట్రై చేయండి...