ఢిల్లీకి వచ్చి కేంద్ర ప్రభుత్వ పెద్దల ముందు కేసీఆర్ మొకరిల్లారని పొన్నం ఆరోపించారు. తన అవినీతి బయటకు వస్తుందనే భయంతోనే కేసీఆర్  ఢిల్లీ పెద్దల ముందు మొరకరిల్లారని అన్నారు. కేంద్రంలోని బీజేపీ ప్రభుత్వం కేసీఆర్ ను ఎందుకు కాపాడుతుందన్న  పొన్నం ప్రభాకర్... ఈడీ, సీబీఐలు ఎందుకు కేసీఆర్ అవినీతిపై విచారణ చేపట్టడం లేదని ప్రశ్నించారు. బీజేపీ, టీఆర్ఎస్ నాయకులు గల్లీలో ఒకలాగా ఢిల్లీలో మరోలా వ్యహరిస్తున్నారని విమర్శించారు. తెలంగాణ బీజేపీ ఎంపీలు ముఖ్యమంత్రి కేసీఆర్ అవినీతిపై ఎందుకు మాట్లాడటం లేదని ప్రశ్నించారు. బీజేపీ నాయకులకు దమ్ము,  ధైర్యం ఉంటే కేసీఆర్ అవినీతిపై విచారణ జరిపించాలని పొన్నం సవాల్ విసిరారు.

తెలంగాణలో కాంగ్రెస్‌ పార్టీని బలహీనపరిచే కుట్రలో భాగంగానే  బీజేపీ, టీఆర్ఎస్ పార్టీలు పరస్పరం ఆరోపణలు చేసుకుంటున్నాయని అన్నారు. . తన సొంత నియోజకవర్గంలో రోహింగ్యాలు ఉంటే కేంద్ర మంత్రి కిషన్‌ రెడ్డి ఏం చేస్తున్నారని  ప్రశ్నించిన పొన్నం...  రోహింగ్యాల విషయం ఎన్నికల ముందే గుర్తొచ్చిందా? అని  నిలదీశారు. హైదరాబాద్ ను అభివృద్ధి చేసిన పార్టీ కాంగ్రెస్  మాత్రమేనని, దుర్గం చెరువు ఫ్లై ఓవర్ ఒక్కటి కట్టి మొత్తం హైదరాబాద్ ను తామే అభివృద్ధి చేసినట్టు టీఆర్ఎస్  నాయకులు గొప్పాలు చెప్పుకుంటున్నారని మండిపడ్డారు.