మరోసారి తెలంగాణ సర్కార్ పై నోరుపారేసుకున్న బండి.. ఎందుకంటే ??

అలా చేస్తే కొన్ని గంటల వ్యవధిలోనే పోలీసులు వారిని గుర్తించి అరెస్టు చేస్తారన్నారు. భాజపా రాష్ట్ర కార్యాలయంలో బండి సంజయ్‌ మీడియాతో మాట్లాడారు. పాతబస్తీలో ఉన్న రోహింగ్యాలను గుర్తించడంలో తెరాస ప్రభుత్వం పూర్తిగా విఫలమైందని ఆరోపించారు. సీఎం కేసీఆర్‌కు చిత్తశుద్ధి ఉంటే సత్వరమే రోహింగ్యాలు, సంఘ విద్రోహశక్తుల విషయంలో సరైన నిర్ణయం తీసుకోవాలన్నారు. అంతేకాదు.. త్వరలోనే బస్సు యాత్ర చేసేందుకు సన్నాహాలు చేస్తున్నట్లు తెలిపారు.తెలంగాణలో భాజపా బలపడుతుందని గుర్తించి ఆదరాబాదరాగా ఎన్నికలు నిర్వహించిన ఎన్నికల కమిషన్‌.. మేయర్‌ ఎన్నిక ఎందుకు చేపట్టడం లేదని ప్రశ్నించారు. 

రూ.5 కోట్లు ఇస్తాం.. తెరాసలోకి రావాలని భాజపా కార్పొరేటర్లను ప్రలోభాలకు గురిచేస్తున్నారని బండి సంజయ్‌ ఆరోపించారు. అటల్ బిహారీ వాజపేయి ఆశయాలకు అనుగుణంగా దేశంలోని రైతులకు అండగా ఉండేందుకు భాజపా ప్రయత్నిస్తోంది. రేపు వాజ్‌పేయీ జయంతి సందర్భంగా పీఎం కిసాన్‌ సమ్మాన్‌ నిధి పథకంలో భాగంగా దేశవ్యాప్తంగా 9 కోట్ల మంది రైతుల ఖాతాల్లో రూ.18 వేల కోట్లను జమ చేసేందుకు కేంద్ర ప్రభుత్వం చర్యలు తీసుకొంటుందని బండి అన్నారు.ఈ మేరకు రాష్ట్ర వ్యాప్తంగా జిల్లాలు, మండలాల వారీగా అన్ని ఏర్పాట్లు చేశాం. స్వార్థ రాజకీయ ప్రయోజనాల కోసం నూతన వ్యవసాయ చట్టాలపై కొన్ని రాజకీయ పార్టీలు అసత్య ప్రచారం చేస్తున్నాయి. వీటన్నింటిపై రేపు ప్రధాని మోదీ వాస్తవాలను వివరిస్తారు.. ఈ కార్యక్రమానికి రాష్ట్రంలోని రైతులు, వారి కుటుంబాలతో పాల్గొని కార్యక్రమాన్ని విజయవంతం చేయాలని కోరారు..