ప్రదానంగా దుబ్బాక ఉప ఎన్నిక గెలుపుతో ఇప్పటికే పలువురు నాయకులు కాషాయం కండువా కప్పుకున్నారు. అలాగే అటు జీహెచ్ఎంసీ ఎన్నికల్లో అత్యధిక స్థానాలు గెలవడంతో... అధికార , ప్రతిపక్ష పార్టీలకు చెందిన పలువురు సీనియర్ నాయకులు కూడా కమలం తీర్థం పుచ్చుకున్నారు. అయితే ఆ పలువురు ప్రముఖ నేతలతో పాటుగా తాజాగా వ్యాపార వేత్తలు కూడా ఇప్పుడు బీజేపీ పార్టీలోకి వరుస కడుతున్నారు. అయితే ఇప్పుడు తాజాగా ఆ వ్యాపారవేత్తల జాబితాలో హైదరాబాద్‌ నగరానికి చెందిన ప్రముఖ వ్యాపార వేత్త కూడా కాషాయ ఖండువా కప్పుకున్నారు. ఇక అసలు వివరాల్లోకి వెళితే.... గురువారం నగరంలోని రామంతాపూర్‌లోని మాజీ ఎమ్మెల్యే ప్రభాకర్‌ కార్యాలయం వద్ద ఉప్పల్‌కు చెందిన ప్రముఖ వ్యాపార వేత్త అమిరిశెట్టి దేవేందర్ కాషాయం కండువా కప్పుకున్నారు.‌ తన అనుచరులతో కలిసి ఆయన బీజేపీలో చేరారు. ఇందులో రామంతాపూర్‌ కార్పొరేటర్‌ బండార శ్రీవాణి, బీజేపీ డివిజన్‌ల అధ్యక్షులు బండారు వెంకట్‌రావు, రెడ్డిగారి దేవేందర్‌రెడ్డి సీనియర్‌ నాయకులు ఎం.జగదీష్‌, బండి పద్మ, వెంకట్‌రెడ్డి, దుర్గా, బద్రినాథ్‌, మున్నూరు కాపు సంఘం ప్రధాన కార్యదర్శి గాదె సత్యనారాయణ పాల్గొన్నారు. ప్రముఖుల చేరికతో బీజేపీ పార్టీ ఫుల్ జోష్‌లో ఉంది.