కరోనా నియంత్రణకు ముందు జాగ్రత్త చర్యగా టీకాలను పరిశోధించే పనిలో వైద్య శాస్త్రజ్ఞులు ఉన్నారు. అయితే, ఆ టీకాలు ఎప్పుడు వినియోగంలోకి వస్తాయో ఇప్పటికీ చెప్పలేని అనిశ్చిత పరిస్థితి నెలకొని ఉంది. రోజుకో ప్రచారం, తేదీల ప్రకటన జరుగుతూ వస్తోంది. 

కాగా, తాజాగా రూపు మార్చుకున్న కరోనా స్ట్రెయిన్ భయం మళ్ళీ జనాలను వెంటాడుతోంది. దాంతో విదేశీ యాత్రికులు విమానాశ్రయంలో దిగి దిగగానే ఆరోగ్య పరీక్షలు నిర్వహించి పాజిటివ్ ఉంటే వెనువెంటనే హాస్పిటల్స్ కి తరలించే ఏర్పాట్లు చేస్తున్నారు. నెగిటివ్ ఉన్నా ఐసొలేషన్ కి తరలిస్తున్నారు. 

వివిధ రాష్ట్రాల్లో రాత్రి పూట కర్ఫ్యూ  విధిస్తున్నారు. 

ఇలాంటి నేపథ్యంలో చిన్న పిల్లలు, వృద్ధులను జాగ్రత్తగా చూసుకోవాల్సి ఉంటుందని సామాజిక వేత్తలు జాగ్రత్తలు చెప్తున్నారు.చిన్న పిల్లలను స్కూళ్లకు పంపేందుకు తల్లితండ్రులు జంకుతున్నారు. కరోనా జాగ్రత్తలు ఈ చిన్నారులు పాటించలేరని ఆందోళన చెందుతున్నారు. 

భౌతిక దూరం పాటించలేరని వాళ్ళు అంటున్నారు. ఈ కారణాల నేపథ్యంలో తరగతి గదుల్లో బోధన వద్దని ప్రభుత్వాన్ని కోరుకుంటున్నారు. విద్యాశాఖాధిపతులతో ప్రత్యేక ప్రధాన కార్యదర్శి చిత్ర రామచంద్రన్ ఓ సమావేశం నిర్వహించి అభిప్రాయాలు తీసుకున్నారు. నర్సరీ, ఎల్ కేజీ, యూకేజీ చదువుతున్నవాళ్ళు సుమారు ఆరేడు లక్షల మంది  ఉంటారు. ప్రభుత్వ ప్రాధమిక పాఠశాలల్లో ఒకటి నుంచి అయిదు వరకూ చదివే విద్యార్థులు దాదాపు 11 . 36 లక్షల మంది ఉంటారు. ప్రైవేట్ స్కూళ్లలో 15లక్షల మంది ఉంటారు. వీరందరికీ ఈ విద్య సంవత్సరం కరోనా సెలవులే.