హెయిర్ మాస్క్ ఉపయోగించే ముందు మన జుట్టు కి హెయిర్ మాస్క్ ఎందుకు వేయాలి అనే అంశం ఇక్కడ చర్చించుకుందాం. హెయిర్ మాస్క్ వేయడం వల్ల జుట్టు నిర్జీవం కాకుండా అవుతుంది. దృఢంగా మారడంతో పాటు జుట్టు రాలడాన్ని అరికట్టవచ్చు. అంతేకాకుండా జుట్టు పెరగడం తో పాటు ప్రకాశవంతంగా కనిపిస్తుంది.ఇప్పుడు ఏ జుట్టుకు ఎలాంటి హెయిర్ మాస్క్ వేస్తే ఫలితం ఉంటుందో ఇప్పుడు ఇక్కడ చదివి తెలుసుకుందాం.

మొదటగా పొడి జుట్టు కోసం జుట్టుకు సరిపడా నంతా పెరుగు తీసుకొని,అందులో కొద్దిగా అలోవెరా జెల్ తో పాటు ఒక టీస్పూన్ కొబ్బరి నూనె కలిపి మిశ్రమంలా చేయాలి. ఈ మిశ్రమాన్ని తల మాడు నుంచి చివరి వరకు పట్టించి ఒక గంట సేపు ఆరనివ్వాలి. ఆ తర్వాత గోరువెచ్చని నీటితో కడిగేస్తే మంచి ఫలితం ఉంటుంది. జుట్టు పలచగా ఉందా? అయితే ఈ చిట్కా పాటించండి. గుడ్డులోని తెల్లసొనను కొబ్బరి నూనెతో కలిపి రాసుకోవడం వల్ల మంచి ఫలితం ఉంటుంది. జుట్టుకు పచ్చిపాలను పట్టించడం వల్ల కూడా జుట్టుకు మాయిశ్చరైజేషన్ అంది పొడిబారకుండా ఉంటుంది. తరచూ నిమ్మరసంతో పాటు అలోవెరా జెల్ ను కూడా కలిపి రాయడం వల్ల చుండ్రును నివారించవచ్చు.