తాజాగా అన్ని అడ్డంకులు తొలగిపోయి రిలీజ్ అవుతున్న నేపథ్యంలో వర్మకు మరో షాకిచ్చింది అమృత. మర్డర్ సినిమాను విడుదలను నిలిపివేయాలని హైకోర్టులో పిటిషన్ వేసింది. హైకోర్టులో కంట్మెంట్ పిటిషన్‌ దాఖలు చేసింది అమృత. నిన్న దర్శకుడు రాం గోపాల్‌ వర్మ మర్డర్ సినిమా ప్రివ్యూ షో వేశారు. ఈ ప్రివ్యూ ద్వారా తన కథనే ఆధారంగానే సినిమాను రూపొందించారని పిటిషన్‌ లో అమృత పేర్కొంది. తన కథనే చిత్రంగా తీసి...కోర్టును తప్పుదోవపట్టించారని అమృత పేర్కొంది. లంచ్‌ పిటిషన్‌ ను విచారించాలని హై కోర్టును అమృత కోరింది. 

అయితే లంచ్ మోషన్  పిటిషన్ విచారణకు హైకోర్టు నిరాకరించగా సినిమా విడుదలకు చిత్ర యూనిట్‌ సిద్ధమయింది. రామ్ గోపాల్ వర్మ దర్శకత్వ పర్యవేక్షణలో రూపొందిన ఈ మర్డర్ మిర్యాలగుడాలో వివాదాస్పదమైన ప్రణయ్-అమృత నిజ జీవిత కథ ఆధారంగా తెరకెక్కిన్నట్టు ప్రచారం జరుగుతోంది. శ్రీకాంత్ అయ్యంగార్ మారుతీ రావు పాత్రలో సాహితి అమృత పాత్రలో నటించైనా ఈ సినిమా ఈరోజు విడుదల అవుతోంది. మరి లంచ్ పిటిషన్ విచారణకు హైకోర్టు నిరాకరించిన నేపధ్యంలో ఈ సినిమా రిలీజ్ కు ఇబ్బందులు తప్పినట్టే.